اداکارہ میرا کی نازیبا تصویر کیساتھ ذومعنی کیپشن نےسوشل میڈیا پر تہلکہ مچا دیا
Stay tuned with 24 News HD Android App
(ویب ڈیسک)اداکارہ میرا کا شمار پاکستان کی ممتاز لیکن متنازع اداکاروں میں ہوتا ہے، اداکاری کا میدان تو انہوں نے کافی عرصے سے چھوڑا ہوا ہے لیکن خبروں میں رہنے کے لیے وہ ہمیشہ چٹکلے چھوڑتی رہتی ہیں، ان حال ہی میں اداکارہ میرا نے ایک ذو معنی کیپشن کے ساتھ اپنی مبینہ نازیبا تصویر شیئر کی ہے، جس نے سوشل میڈیا پر تہلکہ مچا دیا ۔
90ء کی دہائی میں پاکستانی فلموں پر راج کرنے والی میرا کو سرخیوں میں رہنے کا فن اچھی طرح آتا ہے۔ انہوں نے "احساس"، "کھلونا"، "کانٹا"،"چیف صاحب"، "مجھے جینے دو"،"مس استنبول" جیسی فلموں میں کام کیا۔
میرا نے 2000 کی دہائی میں بالی ووڈ میں بھی قسمت آزمائی مگر وہاں سے ناکامی کے بعد میرا صرف متنازعہ بیانات، غلط انگریزی بولنے اور اوٹ پٹانگ حرکتوں تک محدود ہو کر رہ گئیں۔
حال ہی میں میرا کا ایک بیان بھی سو شل میڈیا پروائرل ہوا جس میں ان کو یہ کہتے سنا جاسکتا ہے کہ" ان سے کوئی شادی نہیں کرنا چاہتا حالانکہ عدالت میں یہ بات ثابت ہوچکی ہے کہ میرا نے شادی کر رکھی ہے جو بعد میں طلاق پر ختم ہوئی، ان کے ماضی میں کئی افیئرز کی خبریں بھی سامنے آچکی ہیں۔
اب انہوں نے فوٹو اینڈ ویڈیو شیئرنگ ایپ پر ایک مبینہ نازیبا تصویر شیئر کی ہے اور اس کا کیپشن بھی ذومعنی دیا ہے , پوسٹ کے کیپشن میں انہوں نے لکھا کہ ’ مسنگ پرسن اِن یور یونیورس’ اور ساتھ میں دل کا ایموجی بھی بنایا۔
یہ بھی پڑھیں : کراچی میں تیز ہواؤں سے سردی کی شدت میں اضافہ
مبینہ تصویر پوسٹ ہونے کے بعد صارفین کی جانب سے میرا پر تنقید کی بوچھاڑ شروع ہوگئی جس کے بعد میرا نے مبینہ تصویر اپنے انسٹاگرام اکاؤنٹ سے حذف کردی۔ جبکہ آج نیوز سوشل میڈیا پر وائرل اس مبینہ تصویر کی آزادانہ طور پر تصدیق نہیں کرسکا ہے۔
یاد رہے کہ ماضی میں بھی میرا کی ایسی کئی نازیبا ویڈیوز لیک ہو چکی ہیں۔ اسی تناطر میں انہیں پاکستان کی راکھی ساونت بھی کہا گیا ہے۔ کسی نے انہیں کیپٹن نوید کا بھی حوالہ دیا جن کے ساتھ ان کی ایک مبینہ ویڈیوز لیک ہوئی تھیں۔ اس شادی کی خبروں کو میرا ہمیشہ ریجیکٹ کرتی چلی آئی ہیں۔