(24 نیوز) بھارت میں منا بھائی ایم بی بی ایس سے متاثر نوجوان پولیس بھرتی کے ٹیسٹ کے دوران پکڑا گیا۔
بھارتی میڈیا کے مطابق ریاست مہارشٹرا میں پولیس میں ڈرائیور کانسٹیبل کی پوسٹ کے لیے شمولیت کے امتحان کے دوران کشنا دلوی نامی امیدوار نے بالی ووڈ فلم منا بھائی ایم بی بی ایس کا سہارا لینے کی کوشش کی تاہم وہ پولیس والوں کی نگاہ سےنہ بچ سکا۔
بھارتی میڈیا کے مطابق کشنا کا ٹیسٹ کامیابی سے جاری تھا کہ ٹیسٹ میں ڈیوٹی پر موجود پولیس اہلکاروں نے ان کی سرگرمیوں کو مشکوک پایا، اس دوران اہلکاروں کو معلوم ہوا کہ امیدوار کے الٹے کان میں ایک انتہائی چھوٹی خفیہ ڈیوائس لگی ہے جو موبائل بلوٹوتھ سے منسلک تھی۔یہ ڈیوائس اتنی چھوٹی اور کان کے بالکل اندر لگی تھی کہ اس کو پکڑنا مشکل تھا۔
مزید پڑھیں:انڈین اداکارہ سامنتھا کی خطرناک بیماری میں مبتلا ہونے کا انکشاف، مداح پریشان
بھارتی میڈیا کے مطابق امیدوار کے 2 دوست سچن بھاسکر اور پردیپ راجپوت ٹیسٹ کے دوران کشنا سے مسلسل رابطے میں تھے اور اسے سوالات کے جواب بتا رہے تھے۔پولیس نے کشنا کے ساتھ ساتھ سچن اور پردیپ کے خلاف بھی مقدمہ درج کرلیا ہے۔