پہاڑی علاقوں میں بارش اور برفباری،میدانی علاقوں میں دھند چھائےرہنے کی پیشگوئی

(روزینہ علی) محکمہ موسمیات نے ملک کے بیشتر علاقوں میں موسم کے حوالے سے پیشگوئی کردی، محکمہ موسمیات نے میدانی علاقوں میں دھند چھائے رہنے کے ساتھ شدید سردی اور پہاڑی علاقوں میں بارش اور برفباری کا امکان ظاہر کیا ہے ۔

 آج رات موسم کی صورتحال کے حوالے سے موسم کا حال بتانے والوں کا کہنا ہےکہ ملک کے بیشترعلاقوں میں موسم سرد اور خشک جبکہ پہاڑی علاقوں میں شدید سرد رہنےکا امکان ہے،  پنجاب کے بیشتر اضلاع اور بالا ئی سندھ میں درمیانی سے شدید دُھند چھائے رہنے کی توقع ہے۔ 

 محکمہ موسمیات نے منگل کے روز موسم کی صورتحال کے بارے میں بتایا کہ اسلام آباد اور گردونواح میں موسم سرد اور خشک رہے گاتاہم صبح کے اوقات میں شدید سرد  کہر پڑنے اور چند مقامات پر ہلکی دھند چھائے رہنے کی توقع ہے۔ 

 صوبہ کے بیشتر اضلاع میں موسم سرداور خشک جبکہ پہاڑی علاقوں میں شدید سرد رہنے  تاہم رات کو چترال، دیر اور سوات میں مطلع جزوی ابر آلود رہنے کے علاوہ چند مقامات پر ہلکی بارش/برف باری ہو سکتی ہے ،رات کے اوقات میں بنوں،لکی مروت، ڈیرہ اسماعیل خان اور گردو نواح میں چند مقامات پر درمیانی سے شدید جبکہ پشاور، نو شہرہ، مردان اور صوابی میں ہلکی سے درمیا نی دھند چھائے رہنے کی توقع ہے،صبح کے اوقات میں بالا ئی ا ضلاع میں چند مقامات پر کہرپڑنے کا امکان ہے۔ 

پنجاب کے بیشتر اضلاع میں موسم سرد اورخشک رہنے جبکہ لاہور، شیخوپورہ، قصور ،ا وکاڑہ، ساہیوال ، سیالکوٹ، نارووال ،گوجرانوالہ، منڈی بہاؤالدین، جہلم، گجرات، میانوالی،بھکر، نور پور تھل، لیہ، رحیم یار خان، خان پور، بہاولنگر، بہاولپور، پاکپتن، خانیوال، وہاڑی، فیصل آباد، ٹوبہ ٹیک سنگھ، جھنگ، ڈی جی خان، اور گرد و نواح میں درمیانی سے شدید دھند چھاۓ رہنے کی توقع ہے تاہم مری، گلیات اورگردونواح میں موسم شدید سرد اور صبح کے اوقات میں کہر پڑنے کا امکان ہے۔ 

بلوچستان کےبیشتر اضلاع میں موسم سرد اور خشک جبکہ پہاڑی علاقوں میں صبح اور رات کے اوقات میں شدید سرد رہنےکا امکان ہے تا ہم شمال مغربی اضلاع میں مطلع جزوی ابرآلوود رہنے کی توقع ہے۔ 

سندھ  کے بیشتر اضلاع میں موسم سرد اورخشک رہنے کا امکان ہے ،رات کے اوقات میں سکھر ، شہید بینظیر آباد،شکارپور، کشمور، خیر پور، ٹنڈوجام اور گردونواح میں درمیانی سے شدید دھند پڑنے کی توقع ہے۔ 

 گلگت بلتستان میں موسم شدید سرد اور خشک رہنے جبکہ کشمیر میں صبح کے اوقات میں چند مقامات پر کہرپڑنے کا بھی امکان ہے ۔ 
یہ بھی پڑھیں: برازیل میں لینڈسلائیڈنگ سے 10 افراد ہلاک، مکانات تباہ