گوروں کیخلاف سنچری کے ساتھ ہی بابر اعظم نےمتعدد ریکارڈ بھی توڑ دئیے

(24نیوز)قو می ٹیم کے کپتان بابر اعظم نےانگلینڈ کے خلاف شاندار سنچری کے ساتھ ہی متعدد ریکارڈ توڑ دئیے ہیں۔

تفصیلا ت کے مطابق بابراعظم نے انگلینڈ کے خلاف آج اپنے کیریئر کی 14 وی سنچری سکور کی ہے۔ون ڈے کی تاریخ میں کم سے کم میچز میں 14 سنچریاں کرنے کا یہ ریکارڈ ہے۔یہ ریکارڈ اس سے قبل جنوبی افریقہ کے بلے باز ہاشم آملہ کے پاس تھا۔بابر اعظم نے آج 158 رنز کی اننگز کھیل کر ​اپنے انفرادی ریکارڈ کو مزید بہترکرلیا ہے۔

آج نگلینڈ کے خلاف سینچری سے قبل بابر اعظم کا ون ڈے میچ میں زیادہ سے زیادہ سکور 125 تھا،تاہم آج کی سینچری کے بعد ان کا یہ ریکارڈ بہتر ہوگیا ہے۔بابر اعظم کے 158 رنز کسی بھی پاکستانی بلے باز کا انگلینڈ میں ایک اننگز میں سب سے زیادہ سکور بھی ہے۔

یہ بھی پڑھیں:دولہا عین شادی کے وقت پھیرے ادھورے چھو ڑ کر فرار