پیٹرول کتنے روپے سستا ہوگا ؟ بڑی خبر آگئی

(ویب ڈیسک) ذرائع کے مطابق پٹرول 20 سے 30 اور ڈیزل 30 سے 40 روپے سستا ہونے کا امکان ہے۔

 یاد رہے وزیراعظم نے منعقدہ اجلاس میں تیل کی قیمتوں میں کمی کی سمری بھجوانے کا حکم دیا۔ اجلاس میں اوگرا سمیت دیگر وزارتوں اور محکموں کے اعلیٰ حکام نے شرکت کی۔ 

 شہباز شریف نے عالمی منڈی میں تیل کی قیمتوں میں کمی کا پورا فائدہ عوام کو منتقل کرنے کا بڑا فیصلہ کیا ہے، وزیراعظم نے وزارت پٹرولیم اور وزارت خزانہ سے تیل کی قیمتوں میں کمی کی سمری مانگ لی۔

اس موقع پر وزیراعظم کا کہنا تھا کہ عوام نے قربانی دی، اس کا پورا پھل بھی انہیں ہی ملنا چاہئے، عوام نے مشکل وقت گزارا ہے، اب پورا ریلیف ملنا بھی اُن کا حق ہے، عالمی منڈی میں جتنی کمی ہوئی ہے، پوری شفافیت کے ساتھ عوام کو اس کی منتقلی یقینی بنائیں۔

 انہوں نے کہا کہ سابق حکومت کی لائی مہنگائی سے ستائے عوام کی حتی المقدور اشک شوئی کرتے رہیں گے۔ اللہ تعالی کا فضل وکرم یوں ہی جاری رہا تو اِن شاءاللہ عوام کی زندگی میں مزید آسانیاں لائیں گے۔

 اُدھر وزیر خزانہ مفتاح اسماعیل بھی کہہ چکے ہیں کہ عالمی منڈی میں خام تیل سستا ہونے پر ملک میں پیٹرول و ڈیزل کی قیمت کم کریں گے۔

 تحریک انصاف عمران خان نے لیہ میں جلسے سے خطاب میں عالمی منڈی میں قیمتوں میں کمی کا ذکر کرتے ہوئے کہا کہ خادم اعلیٰ صاحب پیٹرول اور ڈیزل کی قیمت 150 روپے لٹر کر دیں۔

 جھنگ میں جلسے سے خطاب کرتے ہوئے پاکستان مسلم لیگ ن کی نائب صدر مریم نواز نے کہا کہ پٹرولیم مصنوعات کی قیمتیں مجبوری میں بڑھانا پڑیں، اب عالمی مارکیٹ میں پٹرولیم مصنوعات کی قیمتیں کم ہونا شروع ہوئیں تو وزیراعظم شہباز شریف نے سمری منگوا لی، آئندہ دو دن میں وزیراعظم شہباز شریف پٹرولیم مصنوعات کی قیمتوں میں کمی کا اعلان کریں گے۔

 انہوں نے کہا کہ پنجاب کے عوام کو نواز شریف اور شہباز شریف پر بھروسہ ہے، سابقہ حکومت نے ملک کو بحرانوں میں دھکیل دیا، آئندہ چند ہفتوں، مہینوں میں ہم ملک کو بحرانوں سے نکالیں گے۔

 دوسری طرف عالمی مارکیٹ میں خام تیل کی قیمتیں کم ہونے کے بعد پاکستان میں یہ امید ظاہر کی جا رہی ہے کہ تیل کی قیمتوں میں کمی کی جائے گی لیکن ماہرین توانائی کے مطابق اس حوالے سے کوئی بھی امید لگانا فی الحال قبل از وقت ہوگا۔