دنیا بھر میں مقیم کشمیری آج یوم شہدائے کشمیر منا رہے ہیں
![کشمیری، یوم شہدائے، مقبوضہ ریاست، جموں و کشمیر](https://www.24urdu.com/digital_images/large/2024-07-13/news-1720856350-7148.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24نیوز)لائن آف کنٹرول کے دونوں اطراف اور دنیا بھر میں مقیم کشمیری آج یوم شہدائے کشمیر منا رہے ہیں۔
13 جولائی 1931 کو مقبوضہ ریاست جموں و کشمیر کے دارالحکومت سری نگر میں سنٹرل جیل کے احاطہ میں 22 کشمیری نوجوانوں نے اذان مکمل کرتے ہوئے ڈوگرہ حکومت کے ہاتھوں اپنی جانوں کا نذرانہ پیش کیا۔
ان شہداء کو خراج عقیدت پیش کرنے کیلئے کشمیری عوام ہر سال 13 جولائی کو یوم شہدائے کشمیر کے نام سے مناتے ہیں۔
1931 ء کے شہداء کی ان قربانیوں کو تحریک آزادی جموں وکشمیر کی بنیاد تصور کیا جاتا ہے اور آج بھی کشمیری عوام اپنے حقوق کیلئے 13 جولائی کے شہداء کو سامنے رکھ کر اپنی جدوجہد آزادی جاری رکھے ہوئے ہیں۔
گزشتہ نوے سال سے زائد عرصہ سے کشمیری عوام 13 جولائی کے شہداء کے مشن کو اپنے منطقی انجام تک پہنچانے کیلئے لاکھوں جانیں قربان کر چکے ہیں، مقبوضہ کشمیر میں نوجوانوں اور حریت پسند سیاسی قیادت کی ایک بڑی تعداد آج بھی بھارتی جیلوں میں نظر بند ہے۔