جسٹس شفیع صدیقی نے چیف جسٹس سندھ ہائیکورٹ کے عہدے کا حلف اٹھا لیا
![جسٹس شفیع صدیقی نے چیف جسٹس سندھ ہائیکورٹ کے عہدے کا حلف اٹھا لیا](https://www.24urdu.com/digital_images/large/2024-07-13/news-1720879892-6556.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24 نیوز)جسٹس شفیع صدیقی نے چیف جسٹس سندھ ہائی کورٹ کے عہدے کا حلف اٹھا لیا۔
گورنر سندھ کامران ٹیسوری نے جسٹس شفیع صدیقی سے عہدے کا حلف لیا،تقریب میں سندھ ہائی کورٹ کے ججز، اٹارنی جنرل ، وزیرِ اعلیٰ سندھ اور آئی جی سندھ شریک ہوئے۔اس کے علاوہ تقریب میں سپریم کورٹ اور سندھ ہائی کورٹ کے سابق ججز بھی شریک ہوئے۔جسٹس محمد شفیع صدیقی 12 اگست 1965ء کو پیدا ہوئے، انہوں نے بی ایس سی کے بعد ایل ایل بی کی ڈگری حاصل کی۔انہوں نے 1992ء میں بطور ایڈووکیٹ ماتحت عدالتوں سے اپنے کریئر کا آغاز کیا اور 1994ء میں بطور ہائی کورٹ ایڈووکیٹ انرول ہوئے۔جسٹس محمد شفیع صدیقی 2008ء میں سپریم کورٹ میں ایڈووکیٹ کی حیثیت سے انرول ہوئے۔جسٹس شفیع صدیقی نے 2012ءمیں سندھ ہائی کورٹ کے جج کی حیثیت سے حلف اٹھایا تھا۔
یہ بھی پڑھیں : کراچی میں سٹریٹ کرمنل کو سزائے موت سنا دی گئی