(مانیٹرنگ ڈیسک) نارکوٹیکس کنٹرول بیورو نے بنگلورو کے ہوٹل سے معروف بھارتی اداکارشکتی کپورکے بیٹے سدھانت کپور کو گرفتارکر لیا۔
تفصیلات کے مطابق این سی بی نےسدھانت کو اس وقت گرفتار کیا جب وہ بنگلورو کے ایک ہوٹل میں ہونے والی پارٹی میں شریک تھے ، چھاپے کے دوران سدھانت کو مبینہ طور پر منشیات لیتے دیکھا گیا جس کے بعد انہیں پولیس نے گرفتار کرلیا۔
پولیس کے مطابق پارٹی میں شریک مجموعی طور پر 35 افرادکے ٹیسٹ کرائے گئے جن میں سے 6 افراد کے ٹیسٹ مثبت آئے جس کا مطلب تھا کہ انہوں نے منشیات کا استعمال کیا ہے اور سدھانت ان ہی چھ لوگوں میں شامل تھے۔ ڈی سی پی ڈاکٹر بھیما شنکر ایس گلڈ نے بھارتی میڈیا کو بتایا کہ سدھانت کا ٹیسٹ مثبت آنے کے بعد اسے گرفتار کرکے پولیس اسٹیشن منتقل کر دیا گیا ہے۔
یہ بھی پڑھیں: عید الاضحی کب ہو گی?ماہر فلکیات نے بتا دیا
اداکار شکتی کپور کا بیٹے کی گرفتاری پر ردعمل دیتے ہوئے کہنا تھا کہ ایسا ممکن نہیں کہ این سی بی نے محض الزام کی بنیاد پر میرے بیٹے کو گرفتارکیا ہو۔
یہ بھی پڑھیں: روپے کی قدر میں کمی، ڈالر تاریخ کی بلند ترین سطح پر پہنچ گیا