پرائیویٹ داخلےہونگے یا نہیں؟میٹرک اور انٹرمیڈیٹ طلبہ کیلئے بڑی خبر

(24 نیوز)آئی سی ایس  اور ایف ایس سی طلبہ کے پرائیویٹ داخلے بھجوانے پر پابندی کا اقدام لاہور ہائیکورٹ میں چیلنج کردیا گیا۔

تفصیلات کےمطابق عدالت نے چئیرمین بورڈ آف انٹرمیڈیٹ اینڈ سیکنڈری ایجوکیشن لاہور اور انٹر بورڈ کمیٹی کو تین روز میں فیصلے کا حکم دیتے ہوئے درخواست نمٹادی۔درخواست گزار کی جانب سے موقف اختیار کیا گیا کہ میٹرک اور ایف اے کے طلبہ پر پرایئویٹ داخلہ بھجوانے پر کوئی پابندی نہیں ہے۔

جسٹس مزمل اختر شبیر نے میاں عبدالمتین ایڈوکیٹ کی درخواست پر سماعت کی،ایف ایس سی اور آئی سی ایس کے طلبہ پر پرائیویٹ داخلے بھجوانے پر پابندی ہے،حو امتیازی سلوک ہے،ایف ایس سی اور آئی سی ایس کے طلبہ کے لئےکالجز کے ذریعے داخلے بھجوانا لازمی قرار دیا گیا ہے، کالجز میں داخلے لینا پرائیوٹ امیدواروں کی مجبوری بن چکا ہے۔جس کے لئے بھاری فیس برداشت کرناپڑی ہے۔

 یہ بھی پڑھیں:شاہ رخ کے بعد ایک اور بھارتی اداکار کا بیٹا گرفتار

درخواست گزار وکیل کے مطابق چئیرمین بورڈ آف انٹرمیڈیٹ اینڈ سیکنڈری ایجوکیشن لاہور اور انٹر بورڈ کمیٹی کو درخواستیں دیں،شنوائی نہیں ہوئی۔درخواست میں استدعا کی گئی کہ عدالت ایف ایس سی اور آئی سی ایس کے طلبہ کے پرائیویٹ داخلے بھجوانے پر پابندی کا اقدام کالعدم قرار دے۔

 یہ بھی پڑھیں: عید الاضحی کب ہو گی؟ماہر فلکیات نے بتا دیا