امریکی صدر جوبائیڈن دانتوں کے درد سے پریشان

(ویب ڈیسک) امریکا کے صدر جوبائیڈن کو دانتوں کے درد نے پریشان کردیا اور انہیں کچھ ہی دنوں میں دوسری مرتبہ علاج کرانا پڑا۔

غیرملکی میڈیا کے مطابق اس حوالے سے وائٹ ہاؤس کا کہنا ہے کہ امریکی صدر نے پیر کو نیٹو کے سربراہ کے ساتھ ملاقات اور دیگر عوامی تقریبات میں شرکت منسوخ کردی تا کہ ان کا دوسری مرتبہ علاج (روٹ کینال) ہو سکے۔

Biden reschedules meeting with NATO leader after root canal treatment https://t.co/NimU2KvQ4S pic.twitter.com/DXtlUfejGs

— Reuters (@Reuters) June 12, 2023

رپورٹس کے مطابق جوبائیڈن کے ڈاکٹر نے صحافیوں کو بتایا کہ امریکی صدر کو اتوار کو دانت میں درد محسوس ہواجس کے بعد طبی ٹیم نے ان کا معائنہ کیا اور ان کے جبڑوں کا علاج کیا گیا۔

غیرملکی میڈیا کے مطابق پیر کی صبح امریکی صدر کو پھر دانتوں میں درد ہوا جس کے بعد طبی ٹیم نے فیصلہ کیا کہ صدر کا علاج پیر کو وائٹ ہاؤس میں جاری رکھا جائے گا۔