کیا شادی سے قبل اداکارہ اسلام قبول کرلیں گی؟ سناکشی کا آڈیو میسج لیک

(24 نیوز)بھارتی اداکارہ سناکشی سنہا اور ظہیر اقبال کا اپنی  شادی سے متعلق آڈیو میسج لیک ہوگیا، جس میں دلچسپ حقائق سامنے آگئے۔
حال ہی میں بھارتی اداکارہ سناکشی سہنا اور ظہیر اقبال  کی شادی سے متعلق خبریں سوشل میڈیا پر زینت بنی ہوئی ہےتاہم اب سناکشی سنہا کی آڈیو میسج  لیک ہوا ہے ، جس میں دونوں نے شادی کی تصدیق کرتے ہوئے سب کو دعوت دی گئی ہے۔

ٹائمز ناؤ کی رپورٹ کے مطابق یہ دعوت نامہ ڈیجیٹل طور پر بنایا گیا ہے یعنی کیو آر کوڈ کو اسکین کر کے دعوت نامے کو سنا جا سکتا ہے، جس میں آڈیو ریکارڈنگ کی گئی ہے،اس وائس میسج میں اداکارہ کا کہنا تھا کہ گزشتہ 7 سال سے ہم ساتھ رہ رہے ہیں، ہم نے کئی پر جوش، خوبصورت، مزاحیہ لمحات ایک ساتھ گزارے ہیں،سناکشی کی جانب سے  مزید کہنا تھا کہ وہ لمحہ جہاں سے ہم ایک دوسرے کے مبینہ بوائے فرینڈ اور گرل فرینڈ ہوئے، ساتھ ہی ظہیر کی جانب سے کہنا تھا کہ اور اب ایک دوسرے کے مکمل اور آفیشل میاں اور بیوی بننے جا رہے ہیں۔

دونوں کی آواز میں موجود اس وائس میسج میں کہنا تھا کہ ’بالآخر یہ خوشیاں آپ سب کی موجودگی میں مزید دوبالا ہو جائیں گی، 23 جون کو آئیں اور ہمیں جوائن کریں۔

یہ بھی پڑھیں:معروف یوٹیوبر پر قاتلانہ حملہ

بھارتی میڈیا کی جانب سے ایک پوسٹر بھی شئیر کیا جا رہا ہے، جس میں لکھا ہے کہ میاں بیوی سے متعلق افواہ حقیقت ہے، بالآخر! ہم باقاعدہ طور پر کر رہے ہیں ،جبکہ اسی پوسٹر میں سناکشی سنہا اور ظہیر اقبال کو بھی دیکھا جا سکتا ہے جو کہ برفیلے مقام پر خوشگوار موڈ میں ہیں، جبکہ کیو آر کوڈ بھی موجود ہے۔

ساتھ ہی ڈریسنگ کوڈ بھی مینشن کیا گیا ہے کہ  فارمل اور روایتی لباس پہننے پر زور دیا گیا ہے، تاہم لال لباس پہننے سے منع کیا گیا ہے۔

دوسری جانب اداکارہ سے متعلق یہ افواہ بھی بھارتی سوشل میڈیا پر وائرل ہے کہ شادی سے قبل اداکارہ اسلام قبول کر لیں گی، تاہم اس حوالے سے مصدقہ ذرائع کی جانب سے تصدیق نہیں کی گئی ہے۔

واضح رہے سوناکشی اور ظہیر 2022 میں ریلیز ہونے والی فلم "ڈبل ایکسل" میں ایک ساتھ کاسٹ کیے گئے تھے،اور خیال ہے کہ اسی فلم کے سیٹ پر وہ ایک دوسرے کے قریب آئے تھے,سوناکشی اور ظہیر قرب ظاہر کرنے کے لیے انسٹاگرام پر ایک دوسرے کے ہمراہ اکثر تصاویر شیئر کرتے رہے ہیں، بالخصوص سوناکشی کی سالگرہ پر ظہیر نے خصوصی برتھ ڈے پوسٹ لگائی تھی۔

ظہیر نے سوناکشی کو سالگرہ کی مبارکباد دی اور ان کی تصاویر سوشل میڈیا پر پوسٹ کیں، سوناکشی نے بھی انہیں سالگرہ کی مبارکباد دی۔

ظہیر نے سوناکشی کے حالیہ پروجیکٹ کے بارے میں بھی اپنے سوشل میڈیا پر پوسٹ کیا ، جس میں ان کے لئے اپنی محبت اور سپورٹ کا اظہار کیا گیا۔

واضح رہے بھارتی میڈیا کی جانب سے سناکشی سنہا اور ان کے مبینہ بوائے فرینڈ اداکار ظہیر اقبال کی شادی کی خبر سامنے آئی تھی جس کے مطابق دونوں 23 جون کو شادی کے بندھن میں بندھنے جا رہے ہیں۔