پنجاب کے 18 شہروں میں سمارٹ سیف سٹیز بنانے کامعاہدہ طے

(علی ساہی)پنجاب سیف سٹیز اتھارٹی اور این آر ٹی سی کے درمیان صوبہ بھر کے 18 شہروں میں سمارٹ سٹیز بنانے کا معاہدہ طے پا گیا۔

پنجاب کے 18 شہروں میں این آر ٹی سی کی معاونت سے سمارٹ سیف سٹی پراجیکٹ لگائے جائیں گے۔

 سمارٹ سیف سٹی اتھارٹی پراجیکٹ کے لئے وزیراعلیٰ پنجاب مریم نوازشریف کی موجود گی میں پنجاب سیف سٹی اتھارٹی اور این آر ٹی سی کے درمیان معاہدے پر دستخط ہوئے، سیف سٹی اتھارٹی کی طرف سے ایم ڈی احسن یونس اور این آر ٹی سی کے نمائندے سید عامر جاوید نے دستخط کیے۔

بریفنگ میں بتایا گیا کہ 18 شہروں میں ایئر کوالٹی انڈیکس مانیٹرنگ انوائرمنٹ سینسر بھی لگائے جائیں گے، گجرات، جہلم، شیخوپورہ، اوکاڑہ ،اور ٹیکسلا میں سیف سٹی پراجیکٹ مئی کے آخر میں فعال ہوں گے۔

بریفنگ میں مزید بتایا گیا کہ  ملتان ،بہاولپور ،سرگودھا رحیم یارخان، مظفرگڑھ، ساہیوال، جھنگ، اٹک، حسن ابدال ،ڈی جی خان، سیالکوٹ، مری، اوکاڑہ  اور میانوالی میں سمارٹ سیف سٹیز رواں برس مکمل ہوں گے۔

یہ بھی پڑھیں:تیز ہواؤں اور گرج چمک کے ساتھ بارش کا امکان، محکمہ موسمیات کی اہم پیشگوئی
معاہدے کی تقریب میں سینئر صوبائی وزیر مریم اورنگزیب سمیت  چیف سیکرٹری،چیئرمین پی اینڈ ڈی، سیکرٹری داخلہ، آئی جی پولیس، سیکرٹری فنانس ودیگر حکام بھی موجود تھے۔