منشیات کیس، سابق آسٹریلوی کرکٹر سٹیورٹ میک گل قصور وار قرار

(24 نیوز)آسٹریلیا کے سابق ٹیسٹ کرکٹر سٹیورٹ میک گل کو منشیات کیس میں قصور وار قرار دے دیا گیاہے۔

آسٹریلوی میڈیا کے مطابق سٹیورٹ میک گل کوکین کی لین دین کی سہولت کار ی میں ملوث پائے گئے، وہ بہنوئی اور سٹریٹ ڈرگ ڈیلر کے ساتھ سہولت کاری میں قصور وار قرار پائے۔

آسٹریلوی میڈیا کے مطابق سابق کرکٹر کا دعویٰ تھا کہ انہوں نے صرف دو افراد کو متعارف کرایا تھا، نیو ساؤتھ ویلز ڈسٹرکٹ کورٹ نے 8 روز ٹرائل کے بعد انہیں قصور وار قرار دینے کا فیصلہ سنایا۔

مزید پڑھیں:بنگلہ دیش کے آل راؤنڈر محمود اللہ نے انٹرنیشنل کرکٹ کو الوداع کہہ دیا

سٹیورٹ میک گل کو بڑے پیمانے پر ممنوعہ ڈرگ کے کاروبار میں ملوث قرار نہیں دیا گیا ہے، منشیات کا یہ کیس 2021ء سے چل رہا تھا۔

سٹیورٹ میک گل نے تسلیم کیا ہے کہ وہ باقاعدگی سے آدھا گرام کوکین 200 ڈالرز میں خریدتے تھے۔

آسٹریلوی میڈیا کے مطابق سٹیورٹ میک گل کو رواں برس کے آخر میں سزا سنائے جانے کے عمل کا سامنا کرنا پڑے گا۔