پاکستانی لڑکی کو شادی کا جھانسہ دینے والے چینی شہری کو جیل بھیج دیا گیا

(24نیوز)پاکستانی لڑکیوں کو شادی اور پرکشش ملازمت پر چین سمگلنگ کیس میں چینی باشندے کو عدالت نے جوڈیشل ریمانڈ پر جیل بھیج دیا۔

راولپنڈی کے سینئر سول جج وقار حسین گوندل نے کیس کی سماعت کی اور گرفتار ملزم چائنیز ایم اے شگائی کو جوڈیشل ریمانڈ پر جیل بھیج دیا۔چین سے تعلق رکھنے والے ملزم کو وفاقی تحقیقاتی ادارہ (ایف ائی اے) امیگریشن حکام نے گرفتار کیا تھا۔

عدالت نے مقدمے میں نامزد دیگر انسانی سمگلرز کی گرفتاری کا بھی حکم دے دیا ہے۔

پاکستانی لڑکی کی جانب سے دائر ایف آئی آر میں مؤقف اپنایا گیا ہے کہ انہیں چینی شہری سے شادی اور ملازمت کا جھانسہ دیا گیا۔

مزید بتایا گیا کہ متاثرہ فیملی سے 10 لاکھ روپے کا معاہدہ کیا گیا اور ڈیڑھ لاکھ دے کر لے جاتے ہوئے پکڑا گیا۔

یہ بھی پڑھیں:سٹیٹ بینک کے ذخائر میں کمی، کمرشل بینکوں کے بڑھ گئے