سعودی عرب سمیت خلیجی ممالک میں بھی آج عید۔۔ بھارت ،بنگلہ دیش میں کل ہوگی

(24نیوز)سعودی عرب سمیت خلیجی ممالک میں بھی آج عیدمنائی جارہی ہے۔سعودی عرب میں نماز عید کے بڑے اجتماعات مسجد الحرام اور مسجد نبویﷺ میں منعقد ہوئے جبکہ مملکت کی دیگر 20ہزار مساجد میں بھی نماز عید ادا کی گئی۔ افغانستان، انڈونیشیااورملائشیامیں بھی عیدمنائی جارہی ہے۔

سعودی عرب میں آج عیدالفطر ہے، مسجد الحرام میں نماز عید کا اجتماع ہوا جس کے دوران امت مسلمہ کی سلامتی اور قیام امن کے لیے خصوصی دعائیں کی گئیں۔ مسجد نبویﷺ میں بھی عید الفطر کا اجتماع ہوا۔

ترکی، متحدہ عرب امارات اور کویت میں بھی آج عید ہے۔ انڈونیشیا، سنگا پور اور ملائیشیا میں بھی آج عیدالفطر منائی جارہی ہے۔ بھارت اور بنگلادیش میں عید الفطر کل ہوگی۔ برونائی دارالسلام میں بھی عید کل ہے۔

گزشتہ سال کی طرح رواں سال بھی عید کورونا کی پابندیوں کے ساتھ منائی جا رہی ہے۔