عید پر تنگ دستی کا شکار افراد اور ضرورت مندوں کا خصوصی خیال رکھیں: صدر مملکت

 (24نیوز)صدر مملکت ڈاکٹر عارف علوی کا کہنا ہے کہ عید کے موقع پر ضرورت مندوں اور محتاجوں کو اپنی خوشیوں میں شریک کریں۔

تفصیلات کے مطابق صدر مملکت عارف علوی نے عید الفطر کے موقع پر قوم کو مبارکباد دیتے ہوئے کہا کہ اس عید پر کورونا وائرس سے بچاؤ کی تدابیر کو ہرگز نظر انداز نہ کیا جائے۔ڈاکٹر عارف علوی نے مزید کہا کہ عید پر مصافحے اور معانقے سے گریز کرتے ہوئے سماجی فاصلے کا خیال رکھا جائے۔

انہوں نے مزید کہا  کہ کورونا کے سبب معاشی تنگ دستی کا شکار افراد کا خصوصی خیال رکھیں، دعائیں کی جائیں کہ اللہ ہمیں اس وبا کی ہولناکیوں سےمحفوظ فرما دے۔
 یہ بھی پڑھیں:    تحریک لبیک پر پابندی لگانے کا فیصلہ کس کا ہے؟ صدر عارف علوی کے اہم انکشافات