گرانٹ بریڈ برن قومی ٹیم کے ہیڈ کوچ مقرر

(احمد رضا، اسپورٹس ڈیسک) پاکستان کرکٹ بورڈ نے گرانٹ بریڈ برن کو 2 سال کیلئے پاکستانی کرکٹ ٹیم کا ہیڈ کوچ مقرر کردیا۔

پی سی بی کی جانب سے جاری اعلامیے میں کہا گیا ہے کہ نیوزی لینڈ کے خلاف حالیہ سیریز میں کنسلٹنٹ کے طور پر ذمہ داریاں نبھانے والے گرانٹ بریڈ برن ہیڈ کو کوچ مقرر کیا گیا ہے۔ انکی کوچنگ میں پاکستان نے 1-4 سے سیریز اپنے نام کی تھی جبکہ ٹی ٹوئنٹی سیریز دو دو سے برابر رہی تھی۔

گرانٹ بریڈ برن اس سے قبل 2018ء سے 2020ء تک پاکستانی ٹیم کے فیلڈنگ کوچ کے علاوہ قومی کرکٹ اکیڈمی میں بھی خدمات سرانجام دے چکے ہیں۔

نیوزی لینڈ سے تعلق رکھنے والے گرانٹ بریڈ برن اسکاٹ لینڈ کے بھی ہیڈ کوچ رہ چکے ہیں۔

Grant Bradburn confirmed as Pakistan men's team head coach ????

Read more ➡️ https://t.co/Z8RtxOFgQg pic.twitter.com/pofecTHF58

— Pakistan Cricket (@TheRealPCB) May 13, 2023

اس موقع پر گرانٹ بریڈبرن کا کہنا تھا کہ پاکستان جیسی باصلاحیت اور مہارت کی حامل ٹیم کے ساتھ کام کرنا ان کیلئے اعزاز ہے، ہم اپنی صلاحیتوں میں اضافے کیلئے سخت محنت کررہے ہیں۔ وہ اور مکی آرتھر بہت زیادہ پُرجوش ہیں کہ اپنے کھلاڑیوں کی مدد کریں۔

اس موقع پر پاکستان کرکٹ بورڈ کی منیجمنٹ کمیٹی کے چیرمین نجم سیٹھی کا کہنا تھا کہ انہیں بریڈ برن کو ہیڈ کوچ مقرر کرتے ہوئے خوشی محسوس ہورہی ہے، وہ انتہائی تجربہ کار کوچ ہیں۔

ورلڈ کپ سے قبل پاکستانی ٹیم افغانستان کیخلاف سیریز اور ایشیاء کپ کھیلے گی جس میں ٹیم کو اپنی صلاحیت دکھانے کا موقع ملے گا اور میگا ایونٹ کی تیاری میں مدد ملے گی۔