کسی کی مدد کی جائے تو کوئی آپ کی مدد کو بھی آگے آجاتا ہے،ویڈیو وائرل

(ما نیٹر نگ ڈیسک)سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ لیو ہارلینڈ نامی خاتون گلوکارہ سڑک پر گانا گنگنا رہی ہیں اور ان کے قریب رقم جمع کرنے کے لیے ایک باکس بھی موجود ہے۔ اچانک ان کی نظر کوڑے دان میں کھانا تلاش کرتے شخص پر پڑتی ہے۔

تفصیلا ت کے مطابق گلوکارہ گانا روک کر اس کی مدد کے لیے آگے بڑھ جاتی ہیں اور اپنے عطیہ باکس میں سے اسے کھانے کے لیے رقم فراہم کرتے ہوئے کہتی ہیں کہ مجھ سے وعدہ کرو تم کھانا کھاؤ گے۔کوڑے دان میں کھانا تلاش کرنے والے شخص نے گلوکارہ سے رقم لی اور ان کا شکریہ بھی ادا کیا۔

پھر کچھ دیر بعد  ایک شخص آتا ہے اور گلو کا رہ  ہارلینڈ کے عطیہ باکس میں دگنی رقم ڈال کر چلا جاتا ہے۔ہارلینڈ نے ویڈیو شیئر کرتے ہوئے لکھا کہ ’ہمیشہ مہربان رہیں، کسی کی مدد کی جائے تو کوئی آپ کی مدد کو بھی آگے آجاتا ہے۔‘

یہ بھی پڑھیں:میچ کے بعد دھمکیاں۔۔حسن علی کی اہلیہ نے سوشل میڈیا پر وائرل ٹویٹ سے متعلق حقائق واضح کر دیئے

View this post on Instagram

A post shared by Liv Harland (@livharlandmusic)