(24 نیوز)سٹیج اداکارہ شیزہ بٹ کی گاڑی پر فائرنگ کا واقعہ پیش آیا ہے ۔
تفصیلات کے مطابق سٹیج اداکارہ شیزہ بٹ پر قاتلانہ حملہ کیا گیا،سٹیج اداکارہ مال روڈ سے اپنے گھر نصیر آباد جا رہی تھی ،گھر کے قریب پہنچتے ہی مٹھو بٹ نے شیزہ بٹ کی گاڑی پرفائرنگ کی،واقعہ کی اطلاع ملتے ہی پولیس جائے وقوعہ پر پہنچی۔
پولیس کا کہناتھا کہ گاڑی پر پانچ گولیاں لگیں،فائرنگ سے کسی قسم کا کوئی جانی نقصان نہ ہوا،شیزہ بٹ نے الزام لگاتے ہوئے کہا کہ فائرنگ مٹھو بٹ نامی شخص نے کی جو کچھ دنوں سے دھمکیاں دے رہا تھا،سٹیج اداکارہ کی جانب سے تاحال پولیس کو درخواست موصول نہیں ہوئی جبکہ اداکارہ شیزا بٹ کے بھائی راشد علی کی مدعیت میں عبدالحمید عرف مٹھو، عبدالقادر اور دو نامعلوم ملزمان کے خلاف مقدمہ درج کرادیا ہے۔
یہ بھی پڑھیں: سعد رضوی رہا؟؟بڑی خبر آگئی ۔۔!!
دوسری جانب سی سی پی او لاہورنے اداکارہ شیزہ بٹ کی گاڑی پر فائرنگ کے واقعہ کا نوٹس لیا ہے،سی سی پی او لاہور فیاض احمد دیو نے ملزمان کی فوری گرفتاری کا حکم دے دیا۔فیاض احمد دیو کا کہناتھا کہ سی سی ٹی وی کیمروں کی مدد سے ملزمان کو جلد ازجلد ٹریس کیا جائے،گزشتہ رات اداکارہ کی رہائشگاہ گوپال نگر نصیر آباد گھر کے باہر کھڑی گاڑی پر فائرنگ ہوئی تھی۔
یہ بھی پڑھیں: خادم حسین رضوی کا عرس، اہم فیصلہ ہو گیا!!