شاداب خان نے شاہد آفریدی سے ایک اہم اعزاز چھین لیا

(24نیوز) پاکستان کرکٹ ٹیم کے آل راونڈر شاداب خان نے سابق کپتان شاہد آفریدی سے ایک اہم اعزاز چھین لیا۔ پاکستان اور انگلینڈ کے مابین ٹی ٹوئنٹی ورلڈکپ کے فائنل میں انگلینڈ کے ہیری بروک کو آوٹ کرکے شاداب پاکستان کی جانب سے ٹی ٹوئنٹی میں سب سے زیادہ وکٹیں لینے والے بولر بن گئے۔ شاداب 84 ٹی ٹوئنٹی انٹرنیشنل میچز میں 98 وکٹیں حاصل کرکے پاکستان کی طرف سے سب سے ذیادہ وکٹیں حاصل کرنے والے باولر بن گئے۔ اس سے قبل یہ اعزاز شاہد آفریدی کے پاس تھا، جنہوں نے 98 میچز میں 97 وکٹیں حاصل کی تھیں۔