مرغی کا گوشت پھر مہنگا

(24نیوز)مرغی کے گوشت کی قیمت میں اچانک بڑا اضافہ ہو گیا۔

لاہور میں مرغی کا گوشت 21 روپے فی کلو مہنگا ہو گیا جس کے بعد مرغی کے گو شت کی فی کلو قیمت 490 روپے سے 511 روپے پر چلی گئی ہے،سرکاری نرخنامے کے مطابق زندہ مرغی کی قیمت میں 15 روپے فی کلو اضافہ ہوا ہے جس کے بعد برائلر مرغی کا تھوک ریٹ 339 روپے جبکہ پرچون ریٹ 353 روپے کلو ہو گیا ہے۔

انڈوں کی فی درجن قیمت میں مزید دو روپے کا اضافہ ہوا ہے جس کے بعد فی درجن انڈے334 روپے کی سطح پر آ گئے ہیں،ملتان میں زندہ برائلر مرغی کا تھوک ریٹ 322 روپے کلو، پرچون ریٹ 336 روپے کلو جبکہ گوشت 485 روپے کلو ہے، انڈوں کی فی درجن قیمت 330 روپے مقرر کی گئی ہے۔

اسلام آباد میں گزشتہ روز مرغی کا گوشت 520 روپے کلو فروخت ہوتا رہا، ملک کے دیگر شہروں میں مرغی اور انڈوں کے نرخ مختلف ہیں۔