(عمران یونس)پاکستان میں ٹِک ٹاک پر سب سے زیادہ ویوز حاصل کرنے والی پاکستانی نزاد دبئی بیسڈ بھائیوں کی جوڑی وڈے پائین اور چھوٹے پائین نے سٹی 42 ہیڈ آفس کا دورہ کیا۔
قیمتی موبائلز زمین پر پھینک کر وائرل ہونے والے عبدالشکوراورعبدالغفورٹاک ٹاک پروڈے پائین اورچھوٹے پائین کے نام سے جانے جاتے ہیں،اگرچہ ان کے دوبڑے بھائیوں کا دبئی میں موبائل فونز کاکاروبارپہلے سے ہے،لیکن ان دونوں بھائیوں نے دکان چلانے کا سب سے انوکھا طریقہ متعارف کرایاہے،وہ اکثراپنی ویڈیوزمیں قیمتی موبائل فون زمین پر گراتے نظرآتے ہیں جوٹوٹنے سے بھی محفوظ رہتے ہیں لیکن ان کاکہناہےکہ پانچ فیصدکیسز میں موبائل ٹوٹ بھی جاتے ہیں۔
پاکستانی نزاد دبئی بیسڈ بھائیوں کی جوڑی وڈے پائین اور چھوٹے پائین نے سٹی 42 ہیڈ آفس کے دورے کے دوران عوامی آگاہی کیلئے سٹی فورٹی ٹو کے کردار کوسراہا۔
وڈے پائین اور چھوٹے پائین کاتعلق پنجاب کے شہرگجرات سے ہے،انہوں نے ٹک ٹاک پرلگ بھگ تین سال قبل ویڈیوزبناناشروع کیں اوردیکھتے ہی دیکھتے ہی وہ ویڈیوزوائرل ہوناشروع ہوگئیں،ویڈیوزمیں دونوں بھائی ایک جیسے کپڑے پہنے نظرآتے ہیں۔
دونوں بھائیوں عبدالشکوراورعبدالغفورکاکہناہے کہ ہم اپنی ویڈیوزمیں زیادہ تراپنے موبائل کے کاروبار کوپروموٹ کرتے ہیں،اب ہم کانٹینٹ بھی بنارہے ہیں،وہ چاربھائی ہیں لیکن ٹاک ٹاک پر یہ دونوں بھائیوں کی جوڑی ہی وائرل ہے،یہ اکثرلوگوں کوموبائل کے تحائف بھی دیتے نظرآتے ہیں،یہ اگرچہ پاکستانی ہیں لیکن دبئی کواپنادوسرا گھرقراردیتے ہیں۔