مراکش فضائیہ کےانسپکٹر کی ایئر چیف مارشل سےملاقات،باہمی دلچسپی کےامورپر تبادلہ خیال

 (احمد منصور) مراکش کی شاہی فضائیہ کے انسپکٹر میجر جنرل محمد گادی نے ایئر چیف مارشل ظہیر احمد بابر سدھو سے ملاقات کی،پاک مراکش فضائی افواج کے سربراہوں نےباہمی دلچسپی کے امور پر تبادلہ خیال کیا۔ 

پاک فوج کے شعبہ تعلقات عامہ (آئی ایس پی آر ) کے مطابق مراکشی فضائیہ کے سربراہ اور ایئر چیف کی ملاقات ایئر ہیڈ کوارٹرز اسلام آباد میں ہوئی،ملاقات میں دونوں سربراہان نے باہمی دلچسپی کے تمام امور بشمول عسکری تعاون،مشترکہ تربیت اور صنعتی شعبے میں اشتراک کار پر تبادلہ خیال کیا۔

 ایئر ہیڈ کوارٹرز آمد پر پاک فضائیہ کے چاک و چوبند دستے نے مراکشی فضائیہ کے سربراہ کو گارڈ آف آنر پیش کیا، چیف آف ائیر سٹاف ایئر چیف مارشل ظہیر احمد بابر سدھو نےمراکشی فضائیہ کے سربراہ کے پہلے دورہ پاکستان پر نیک تمناؤں کا اظہارکیا،ائیر چیف نے برادر ممالک کے  دو طرفہ تاریخی تعلقات کو اجاگر کیا، پاکستان اور مراکش کے درمیان عسکری شراکت داری کو مشترکہ تربیت کے حوالے سے مزید فروغ دینے کے عزم کا اظہار بھی کیا ۔ 

آئی ایس پی آر نے بتایا کہ مراکش ایئر فورس کے لیے بنیادی اور حکمت عملی سطح کی تربیت سمیت فضائی طاقت کے مختلف پہلوؤں  پر مشترکہ تربیتی اقدامات کو فروغ دینے پر زوردیا،پاک مراکش فضائی افواج کے سربراہوں کا موجودہ تعلقات کو مضبوط کرنے کے عزم کا اظہار بھی کیاجبکہ مشترکہ تربیتی پروگرامز، مشترکہ فوجی مشقیں اور صنعتی تعاون کو فروغ دیا جائے گا۔

آئی ایس پی آر کا مزید کہنا تھا کہ میجر جنرل محمد گادیح نے پاک فضائیہ کی تکنیکی ترقی کی تعریف کی،مراکشی فضائیہ کے سربراہ کا آپریشنل صلاحیتوں کو بہتر بنانے کے لیے پاکستان کی فضائی صنعت سے سیکھنے کی خواہش کا اظہارکیا ،مراکش فضائیہ کے سربراہ کا نیشنل ایرو  سپیس سائنس اینڈ ٹیکنالوجی پارک کے دورہ بھی کیا،مراکشی فضائیہ کے سربراہ  پاک فضائیہ کے جدید تکنیکی نظام کو سراہا اور صنعتی شعبے میں اشتراک کے مواقع تلاش کرنے میں دلچسپی ظاہر کی،مراکشی فضائیہ کے سربراہ نے نیشنل آئی ایس آر اور انٹیگریٹڈ ایئر آپریشنز سینٹر، اور پاک فضائیہ کے سائبر کمانڈ کا بھی دورہ کیا۔ 

یہ بھی پڑھیں: وزیر اعظم شہباز شریف سے چینی ہم منصب کی ملاقات،دوطرفہ تعاون کے فروغ پر گفتگو