لاہور ملتان موٹروے ایم 3 لاہور سے درخانہ دھند اور سموگ کی وجہ سے بند 

(اسرار خان)لاہور ملتان موٹروے ایم 3 لاہور سے درخانہ اور ایم 4 پنڈی بھٹیاں سے عبدالحکیم تک دھند اور سموگ کی وجہ سے بند  کر دی گئی۔

ترجمان سید عمران احمد  کا کہنا ہے کہ موٹرویز کو عوام کی حفاظت اور محفوظ سفر یقینی بنانے کیلئے بند کیا جاتا ہے،ان کا کہناتھا کہ روڈ یوزرز زیادہ سے زیادہ دن کے اوقات پر سفر کرنے کو ترجیح دیں،صبح 10 سے شام 6 بجے تک دھند کے موسم میں بہترین سفری اوقات ہیں۔

یہ بھی پڑھیں:چھٹی کا اعلان

ترجمان موٹروے پولیس نے کہاکہ روڈ یوزرز  آگے اور پیچھےدھند والی لائٹس کا استعمال کر یں اور غیر ضروری سفر سے گریز کریں،ترجمان نے کہاکہ تیز رفتاری سے پرہیز کر یں اور اگلی گاڑی سے مناسب فاصلہ رکھیں، روڈ یوزرز معلومات اور مدد کیلئے ہیلپ لائن 130 سے رابطہ  کریں۔

یہ بھی پڑھیں:پاکستان اور آسٹریلیا کے درمیان ٹی 20میچ سے قبل بری خبر آ گئی