وزیرِ اعظم شہباز شریف اپنا 3 روزہ دورہءِ آذربائیجان مکمل کرکے پاکستان روانہ
Stay tuned with 24 News HD Android App
(اویس کیانی) وزیرِ اعظم شہباز شریف اپنا 3 روزہ دورہءِ آذربائیجان مکمل کرکے پاکستان روانہ ہوئے،آذربائیجان کے وزیرِ انصاف فرید احمدوف نے وزیرِ اعظم کو باکو ایئر پورٹ پر الوداع کیا.
وزیرِ اعظم شہباز شریف نے اپنے دورہءِ آذربائیجان کے دوران کاپ-29 کلائیمیٹ ایکشن سربراہی اجلاس میں شرکت کی اور کانفرنس میں شریک عالمی رہنماؤں کو ماحولیاتی تبدیلی کے مضر اثرات کے خطرے سے دوچار پاکستان کی مشکلات سے آگاہ کیا، وزیرِ اعظم نے تاریخی طور پر ماحولیاتی آلودگی کے ذمہ دار ممالک کی جانب سے ماحولیاتی عالمی معاشی وعدوں کی تکمیل پر زور دیا.
وزیرِ اعظم نےپاکستان کی جانب سے منعقدہ کلائیمیٹ فنانس گول میز کانفرنس کی میزبانی کی اور ماحولیاتی تبدیلی کے حوالے سے عالمی معاشی وعدوں کی تکمیل پر زور دیا، تاجکستان کی جانب سے گلیئشیرز کے تحفظ کے حوالے سے منعقدہ اعلی سطح تقریب میں شرکت کی اور گلیشیئرز و آبی وسائل کے تحفظ کیلئے پاکستان کے اقدامات پر رشنی ڈالی.
وزیرِ اعظم کی اس موقع پر ڈینمارک، چیک ریپبلک کے وزراءِ اعظم اور آذربائیجان کے صدر سے دوطرفہ ملاقاتیں ہوئیں،کاپ29 کے کلائیمیٹ ایکشن سربراہی اجلاس کے موقع پر برطانیہ کے وزیرِ اعظم، متحدہ عرب امارات، تاجکستان، ازبکستان، قزاقستان، نیپال کے صدور سے غیر رسمی ملاقاتیں بھی ہوئیں.
یہ بھی پڑھیں: وزیر اعظم شہباز شریف سے چینی ہم منصب کی ملاقات،دوطرفہ تعاون کے فروغ پر گفتگو