(ویب ڈیسک) کامونکی میں 2 مبینہ پولیس مقابلوں میں چار ڈاکو ہلاک ہوگئے جبکہ دو فرار ہونے میں کامیاب ہوگئے۔
تفصیلات کے مطابق جی ٹی روڈ پر پولیس ڈاکوؤں کو برآمدگی کے لیے لے جا رہی تھی کہ ڈاکوؤں کے ساتھیوں نے ملزمان کو بچانے کے لیے حملہ کر دیا۔
فرار ہونے والے ڈاکوؤں کا جی ٹی روڈ پر ایمن آباد پولیس سے مقابلہ ہوا، فائرنگ کے تبادلے میں دونوں ڈاکو حملہ آوروں کی فائرنگ کی زد میں آکر ہلاک ہوگئے۔
پولیس کا کہنا ہے کہ ملزمان کے خلاف قتل اور ڈکیتی سمیت 300 مقدمات درج تھے۔