رنویر سنگھ سے طلاق کے معاملے میں دیپیکا نےخاموشی توڑ دی 

(ویب ڈیسک )بالی وڈ کی صف اول کی اداکارہ   دیپیکا پڈوکون نے شوہر اداکار رنویر سنگھ سے طلاق کی خبروں پر خاموشی توڑ دی۔

تفصیلات کے مطابق گزشتہ روز دیپیکا امریکی اداکارہ اور برطانوی شاہی خاندان کی چھوٹی بہو میگھن مارکل کی پوڈ کاسٹ میں بطور مہمان شریک ہوئیں جہاں انہوں نے ذاتی زندگی کے حوالے سے گفتگو کی۔

پوڈ کاسٹ کے دوران دیپیکا نے کئی دنوں سے گردش کرتی افواہوں پر اظہار خیال کرتے ہوئے کہا کہ 'میں اور رنویر دونوں اپنے پروجیکٹس میں مصروف ہیں، ہم کام کر رہے ہیں اور رنویر اپنے ایک پروجیکٹ کے سبب ہی ان سے ایک ہفتے سے دور ہیں'۔

اداکارہ کا کہنا تھا کہ ' رنویر سنگھ ایک ہفتے کے لیے میوزک فیسٹیول میں مصروف تھے اور آج وہ واپس آئے ہیں، وہ مجھ سے مل کر، میرا چہرہ دیکھ کر بہت خوش ہوں گے'۔

دیپیکا نے ان تمام افواہوں کو بے بنیاد قرار دیتے ہوئے کہا ' ہم دونوں کے درمیان سب ٹھیک ہے اور ہم ایک ساتھ ہیں'۔

یہ بھی پڑھیں:بالی ووڈ کی معروف جوڑی کی طلاق کی افواہیں سوشل میڈیا پر وائرل

واضح رہے کہ دیپیکا پڈوکون اور رنویر سنگھ کی شادی 14 نومبر 2018 کو ہوئی تھی۔