علی ظفر کے گانوں کی بھارت میں بھی دھوم

(ویب ڈیسک) پاکستانی معروف گلوکار علی ظفر کا گانا "جھوم" بھارت میں ٹاپ ٹریند کر رہا ہے۔

علی ظفر ایک پاکستانی گلوکار، نغمہ نگار، ماڈل، اداکار، پروڈیوسر، اسکرین رائٹر، اور فنکار ہیں۔ انہوں نے ایک مشہور موسیقار اور گلوکار بننے سے پہلے پاکستانی ٹیلی ویژن پر آغاز کیا اور بعد میں اداکاری کے جوہر بالی ووڈ میں بھی دکھائے۔ علی ظفر کا گانا ’جھوم‘  بھارت میں میوزک ایپ اسپاٹی فائی پر اس وقت ٹاپ ٹرینڈنگ میں شامل ہے جبکہ گانا ’سجنیا‘ بھی اس فہرست میں موجود ہے۔

واضح رہے کہ 2021 میں علی ظفر  کو فنون لطیفہ اور موسیقی کے شعبوں میں ان کی شراکت اور کامیابیوں کے لیے اعلیٰ ترین ادبی ایوارڈ  پرائیڈ آف پرفارمنس سےبھی نوازا جا چکا ہے۔