وزارت خارجہ کی عمارت میں آتشزدگی، کوئی نقصان نہیں ہوا، ممتاز زہرا بلوچ 

(ویب ڈیسک) اسلام آباد کے ریڈ زون میں واقع وزارت خارجہ کی عمارت میں آگ لگ گئی۔ آگ وزارت خارجہ کی پرانی عمارت کے آخری فلور پر لگی۔

فائر بریگیڈ کی ٹیمیں موقع پر پہنچیں، فائر بریگیڈ اور ایم سی آئی کی ٹیموں نے آگ پر قابو پایا۔

اسلام آباد کے ریڈ زون میں وزارت خارجہ عمارت میں آتشزدگی

فائر بریگیڈ کی ٹیمیں موقع پر پہنچ گئیں

آگ وزارت خارجہ کی اولڈ بلڈنگ میں لگی جہاں حساس سیکشن ہے، پولیس pic.twitter.com/08icNzVVnA

— ABC Urdu News (@ABCNewsUrdu) October 12, 2023

ترجمان دفتر خارجہ ممتاز زہرا بلوچ کے مطابق دفتر خارجہ کی پرانی عمارت میں آگ شارٹ سرکٹ کے باعث لگی۔ آتشزدگی سے دفتر خارجہ کے ریکارڈ کو کوئی نقصان نہیں پہنچا۔

آگ وزارت خارجہ کی مرکزی عمارت سے باہر لگنے کی وجہ سے کسی ریکارڈ یا انفرا اسٹرکچر کو کوئی نقصان نہیں پہنچا ہے۔

مزید پڑھیں:  اسرائیلی حملوں میں شہید فلسطینیوں کی تعداد 1500 سے تجاوز کر گئی 

دفترخارجہ کا مزید کہنا ہے کہ کسی قسم کی کوئی جانی نقصان کی اطلاع موصول نہیں ہوئی۔