طالبان کا سابق نائب صدر امر اللہ صالح کے گھر پر چھاپہ۔ 6.5ملین امریکی ڈالراور سونے کی اینٹیں بر آمد 

 (24نیوز)طالبان نے سابق افغان نائب صدر اول امراللہ صالح کے گھر پر چھا پہ مار کرن 6 اعشاریہ 5 ملین امریکی ڈالرز اور سونے کی اینٹیں برآمد کرلی ۔طالبان کے سرکاری ٹوئٹر پر امراللہ صالح کے گھر سے برآمد ہونے والے سونے اور ڈالرز کی ویڈیو بھی سوشل میڈیا پر جاری کی گئی ہے۔ 
طالبان کے ایک سرکاری ٹوئٹر اکاﺅنٹ چلانے والے محمد جلال نے بتایا کہ غیر ملکیوں نے امراللہ صالح جیسے لوگوں کو گزشتہ 20 سالوں میں بدعنوانی اور لوٹ مار کی مکمل آزادی دی تھی۔ محمد جلال نے کہا کہ غیر ملکیوں نے کابل کے سابق ادارے سے منسلک ہونے والے افراد سے کبھی بھی ان کی کرپشن کے بارے میں نہیں پوچھا۔ انہوں نے کہا کہ افغانستان میں 90 فیصد لوگ غربت کی لکیر سے نیچے زندگی گزار رہے ہیں تاہم مغربی ممالک کے اکثریت نے امر اللہ صالح جیسے لوگوں کی ہمیشہ تعریف کی ہیں اور انہیں حکومت میں شامل کیا تھا۔ انہوں نے کہا کہ اب کچھ مغربی ممالک یہ مطالبہ کررہے ہیں کہ امراللہ جیسے بندوں کو حکومت میں شامل کیا جائے، اب ایسا نہیں ہوگا۔ انہوں نے کہا کہ ان لوگوں کو شرم آنی چاہیے جنہوں نے امراللہ صالح جیسے لوگوں کی حمایت کی۔

امراللہ صالح کے گھر سے تلاشی کے دوران 6.5 ملین ڈالر برآمد کیے گئے
اپنے ساتھ وہ کتنے لے گئے ہوں گے اس کا اندازہ لگایا جا سکتا ہے۔ طالبان ذرائع pic.twitter.com/NEiEnmnW33

— افغان اردو (@AfghanUrdu) September 13, 2021

انہوں نے کہا کہ افغانستان میں حقا ئق جاننے کےلئے ایک کمیشن بننا چاہئے جو بدعنوان لوگوں کی کرپشن کی تحقیقات کرے۔ محمد جلال نے کہا کہ اشرف غنی اور حامد کرزئی کی حکومتوں کے دوران حکومتی اہلکاروں کو ان کے اباو اجداد سے میراث میں کچھی بھی نہیں ملا تھا اور یہ لوگ حکومتی وسائل لوٹ کر کروڑپتی بن گئے تھے اور ان کے دبئی کے علاوہ دیگر ملکوں میں جائدادیں ہیں۔ طالبان سوشل میڈیا رکن نے کہا کہ غیر ملکیوں نے مجرم امراللہ صالح جیسے لوگوں کی حمایت کی جنہوں نے نہ صرف غریبوں اور حکومتی مال لوٹا۔
یہ بھی پڑھیں۔کنگ خان کی بیٹی سہانا خان کا نیا انداز۔۔ سوشل میڈیا پر دھوم مچ گئی۔۔تصاویر وائرل