پی پی اور اے این پی کو وٹس ایپ گروپ سے کیوں نکالا؟ احسن اقبال نے وجہ بیان کردی

(24نیوز )پاکستان مسلم لیگ(ن) کے رہنما احسن اقبال نے کہا ہے کہ اطلاعات کی رازداری کیلئے ضروری تھا کہ گروپ تک رسائی صرف ممبران تک محدود کی جائے۔
پاکستان ڈیمو کریٹک موومنٹ (پی ڈی ایم ) کے رہنماؤں کو وٹس ایپ گروپ سے نکالنے کے حوالے سے پوچھے گئے ایک سوال کا جواب دیتے ہوئے احسن اقبال کا کہنا تھا کہ پاکستان پیپلزپارٹی پی ڈی ایم کے عہدوں سے مستعفی ہوگئی ہے،عوامی نیشنل پارٹی (اے این پی) باقاعدہ طورپرپی ڈی ایم چھوڑکرگئی ہے۔پی ڈی ایم واٹس ایپ گروپ مرکزی عہدیداروں کیلئے اندرونی مشاورت کاگروپ ہے۔