(24 نیوز)خادم الحرمین الشریفین شاہ سلمان بن عبدالعزیز نے عالم اسلام پر زور دیا ہے کہ وہ اختلافات اور فرقہ پرستی کو ختم کر کے حکمت اور دانشمندی کا مظاہرہ کریں اور اپنی صفوں میں اتحاد پیدا کریں۔
تفصیلات کے مطابق رمضان المبارک کے موقع پر عالم اسلام کے نام اپنے پیغام میں شاہ سلمان بن عبدالعزیز نے مسلم امہ کے درمیان اتحاد پر زور دیا۔ عالم اسلام کے نام شاہ سلمان کا پیغام قائم مقام وزیر اطلاعات ماجد القصبی نے پڑھ کر سنایا۔ اس بیان میں شاہ سلمان نے کہا ہے کہ سعودی عرب نے کورونا وبا کی روک تھام کیلئے غیرمعمولی اور کامیاب کوششیں کی ہیں۔انہوں نے مزید کہا ہم تمام شہریوں اور غیرملکی باشندوں سے توقع رکھتے ہیں کہ وہ وبا کی روک تھام کیلئے اختیار کردہ ایس او پیز پر عمل درآمد یقینی بنائیں گے اور ویکسین کے حصول میں دلچسپی کا مظاہرہ کریں گے۔ماجد القصبی نے کہا کہ ہمیں حرمین شریفین میں عبادت کیلئے آنے والے اللہ کے مہمانوں کی صحت اور سلامتی کیلئے جدید ترین آلات اور وسائل کے استعمال پر فخر ہے۔
یہ بھی پڑھیں: افغانستان سے امریکی افواج کب نکالی جائیں گی؟ امریکی صدر نے فیصلہ کرلیا