کنگ خان نے خود کو قرنطینہ کیوں کیا؟؟وجہ سامنے آ گئی

(24نیوز)بالی ووڈ کنگ شاہ رخ خان کی آنے والی فلم ’’پٹھان‘‘ کے عملے کا کورونا ٹیسٹ مثبت آنے کے بعد کنگ خان نے خود کو قرنطینہ  کرلیا۔

بھارتی میڈیا کے مطابق شاہ رخ خان پچھلے کچھ عرصے سے فلم ’’پٹھان‘‘ کی شوٹنگ میں مصروف ہیں۔ تاہم ان کی شوٹنگ کے عملے کے چند لوگوں میں کورونا ٹیسٹ مثبت آنے کے بعد فلم کی شوٹنگ دو روز کے لئے روک دی گئی ہے اور شاہ رخ خان نے احتیاطی اقدام کے طور پر خود کو آئسو لیٹ کرلیا ہے۔میڈیا رپورٹس کے مطابق یش راج پروڈکشن اور فلم کے ارکان کورونا ایس او پیز پر سختی سے عمل کررہے ہیں۔ فلم کے سیٹ پر بھی عملے کا باقاعدگی کے ساتھ ٹیسٹ کیاجاتا ہے اور فلم کے تمام ارکان ایک ہوٹل میں مقیم ہیں۔ ان لوگوں کو ہوٹل سے سیٹ تک لے جانے والے لوگوں کا بھی ٹیسٹ کیا جاتا ہے۔

یہ بھی پڑھیں: حکومت کا تحریک لبیک پر پابندی لگانے کا فیصلہ