ڈی جی آئی ایس پی آر کا بیان نیشنل سکیورٹی کونسل کی پریس ریلیز کی ہی توثیق ہے،فواد چوہدری 

(24 نیوز) سابق وزیر اطلاعات فواد چوہدری نے کہا ہے کہ میری نظر میں ڈی جی آئی ایس پی آر کا بیان نیشنل سیکیورٹی کونسل کی پریس ریلیز کی ہی توثیق ہے۔
 اپنے بیان میں انہوں نے کہاکہ سیکیورٹی کونسل نے کہا کہ پاکستان کی سیاست میں بیرونی مداخلت کی مذمت کرتے ہیں لفظ سازش استعمال نہیں ہوا، اب اہم ہے کہ جوڈیشل کمیشن بنے جو اس مداخلت کی تحقیقات کرے ، یہ مداخلت کہاں سے ہوئی،اس مداخلت کے کردار کون تھے؟ کون کون کہاں ملاقاتوں میں شامل ہوا،مداخلت کی نوعیت کیا تھی؟۔
فواد چوہدری نے کہاکہ کیا شہباز شریف بیرونی مداخلت کے نتیجے میں وزیر اعظم کی کرسی پر بٹھائے گئے؟ لوکل ہینڈلرزکون تھے؟ ۔ انہوں نے کہاکہ یہ تمام سوال ایک طاقتور جوڈیشل کمیشن کے سامنے آنے چاہئیں جو دودھ کا دودھ اور پانی کا پانی کرے۔

اس مداخلت کے کردار کون تھے؟ کون کون کہاں ملاقاتوں میں شامل ہوا، مداخلت کی نوعیت کیا تھی؟ کیا شہباز شریف بیرونی مداخلت کے نتیجے میں وزیر اعظم کی کرسی پر بٹھائے گئے؟ لوکل ہینڈلرزکون تھے؟ یہ تمام سوال ایک طاقتور جوڈیشل کمیشن کے سامنے آنے چاہئیں جو دودہ کا دودہ اور پانی کا پانی کرے

— Ch Fawad Hussain (@fawadchaudhry) April 14, 2022

خیال رہے کہ پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے پریس کانفرنس میں کہا کہ نیشنل سکیورٹی کمیٹی کے اعلامیے میں سازش کا لفظ نہیں ہے، ڈیمارش صرف سازش پر نہیں دیے جاتے اور بھی وجوہات ہوتی ہیں۔قبل ازیں سابق وفاقی وزیر نے پریس کانفرنس کرتے ہوئے کہا کہ ڈی جی آئی ایس پی آر نے کہا کیا سازش کا معاملہ تھا، یہی تو ہم کہہ رہے ہیں کہ کمیشن بنے اسی میں سوالات سارے آئیں گے، ہم یہی تو کہہ رہے ہیں کمیشن دیکھے گا دھمکی دی گئی یا نہیں، چیف جسٹس جتنی جلدی ہو کمیشن بنا دیں، ججز کو سیاسی معاملات میں نہیں گھسیٹنا چاہیے، چیف جسٹس کے پاس خط ہے اب کمیشن بننا چاہیے۔
انہوں نے کہا کہ فوج نے خود کہا سیاسی معاملات میں نہ گھسیٹا جائے، افواج پاکستان کے ساتھ ہمارا گہرا تعلق اور احترام ہے، جو لوگ فوج کے خلاف مہم چلاتے ہیں وہ پاکستانی نہیں ہوسکتے، ہمارا فوج کے لیے احترام برقرار ہے اور رہے گا۔
فواد چودھری نے کہا کہ حکومت خود الیکشن کا اعلان کر دے ورنہ آزادی چھین کر لیں گے، پاکستان میں حکومت کون بنائے گا یہ فیصلہ کسی بیرون ملک نے نہیں عوام کے ووٹ سے ہوگا، گزشتہ روز پشاور کا جلسہ تاریخی تھا، کے پی میں لاکھوں لوگوں نے وزیراعظم کو سنا، پی ٹی آئی پورے پاکستان کی آواز ہے، ہم آزادی چھین کر لیں گے، عمران خان بھی پاکستانی عوام کی آزادی چھین کر لے گا، ہمیں سلامتی کے بحران کا سامنا ہے جس کا واحد حل الیکشن ہے، وزیراعظم کراچی میں عظیم الشان جلسہ کریں گے۔پی ٹی آئی رہنما نے کہا کہ ہمارے استعفے منظور ہوگئے ہیں، میں تمام اراکین کو سلام پیش کرتا ہوں، ہم تمام اراکین جنہوں نے استعفیٰ دیا سلام پیش کرتے ہیں، جلد یہ لوگ دوبارہ آئیں گے، ن لیگ کے ساتھ کوئی بھی سیاسی جماعت آگے بڑھنے کو تیار نہیں، نااہل حکومت معیشت کو تباہ کر رہے ہیں، کوئی بھوکا نہ سوئے کا پروگرام بند کیا جارہا ہے، نور عالم گلے میں تختی پہن کر نکلا کریں جس پر لکھا ہو مجھے کوئی لوٹا نہ کہے، پاکستان میں سیاسی بحران کا واحد حل جلدازجلد الیکشن ہے۔

سابق وزیر نے کہا کہ ہم تمام اراکین جنہوں نے استعفیٰ دیا سلام پیش کرتے ہیں،جلد یہ لوگ دوبارہ آئیں گے۔ انہوں نے کہاکہ (ن) لیگ کے ساتھ کوئی بھی سیاسی جماعت آگے بڑھنے کو تیار نہیں ،نااہل حکومت معیشت کو تباہ کررہی ہے۔ انہوں نے کہاکہ پاکستان میں سیاسی بحران کا واحد حل جلدازجلد الیکشن ہے۔فرخ حبیب نے کہاکہ مریم صفدر اور ان کے شوہر سزایافتہ ہیں اور وزیراعظم آفس کے دورے کررہے ہیں ،امپورٹڈ حکومت کو سب مسترد کرچکے ہیں ،کراچی کا جلسہ بھی بھرپور ہوگا۔ انہوں نے کہاکہ بائیس کروڑ عوام کا مطالبہ ہے فوری الیکشن ہو۔ شہباز گل نے کہاکہ تحریک انصاف کے سوشل میڈیا کے لوگوں نے ہمیشہ پاکستان کے بیانیے کو اجاگر کیا،پاکستانی افواج پر ہمیں فخر ہے ہم محب وطن ہیں ،ہم چہرے کو نہیں بلکہ پاک فوج کی وردی کو دیکھتے ہیں ،چہرے بدلتے رہتے ہیں لیکن فوج کی عزت برقرار رہے گی۔ انہوں نے کہاکہ ہم ن لیگ نہیں جو سپریم کورٹ پر حملہ کریں ،ہم فوج اور عدالتوں کا احترام کرتے ہیں۔

یہ بھی پڑھیں: پیٹرولیم مصنوعات کی قیمتوں میں ریکارڈ اضافے کی تجاویز ارسال