بابراعظم نے اہم سنگ میل عبور کر لیا

(24 نیوز ) پاکستان کرکٹ ٹیم کے کپتان بابر اعظم نے نیوزی لینڈ کیخلاف میچ سے قبل ہی اہم اعزاز اپنے نام کر لیا ہے۔

تفصیلات کےمطابق پاکستان اور نیوزی لینڈ کے درمیان 5 ٹی 20میچز پر مشتمل سیریز کے پہلے میچ کا ٹاس ہو گیا ہے، میچ شروع ہونے سے قبل ہی  دنیا کےنمبر ون  بلے باز بابر اعظم نے اہم اعزاز اپنے نام کر لیا ہے ،  بابر اعظم نے ٹی 20 میچز کی سنچری مکمل کر لی ہے، نیوزی لینڈ کے خلاف پہلا میچ ان کا 100واں میچ  ہے ۔ 

بابراعظم سے پہلے شعیب ملک اور محمد حفیظ بھی یہ سنگ میل عبور کر چکےہیں ،بابراعظم ابتک 99 ٹی 20 میچز میں 3 ہزار355 رنز بنا چکے ہیں، واضح رہے کہ نیوزی لینڈ کے خلاف میچ میں بابر اعظم ٹیم قیادت کر  رہے ہیں جبکہ ٹام لتھم نیوزی لینڈ کی کپتانی کےفرائض سر انجام دے رہےہیں۔