سابقہ اہلیہ کی مالی حالت پرسشمیتا سین کے بھائی کا ردعمل سامنے آگیا

(ویب ڈیسک)بھارتی اداکارہ سشمیتا سین کے بھائی راجیو سین نے سابقہ اہلیہ چارو اسوپا کے مالی حالات اور بیٹی زیانا سے دوری پر ردعمل دے دیا۔

ٹی وی اداکارہ اور راجیو سین کی سابقہ اہلیہ چارو اسوپا مالی پریشانیوں کے باعث ممبئی چھوڑ کر اپنی بیٹی زیانا کے ساتھ بیکانیرمنتقل ہو گئی ہیں جہاں وہ آن لائن کپڑوں کا کاروبار کر رہی ہیں جس کی ویڈیوز سوشل میڈیا پر وائرل ہو رہی ہیں۔

راجیو سین نے حال ہی میں اپنی سابقہ اہلیہ کی مالی مشکلات کے حوالے سے ردعمل دیتے ہوئے کہا ہے کہ ان کی سابقہ اہلیہ بیٹی کو ان سے دور کرنے کی کوشش کر رہی ہے۔

راجیو کا کہنا ہے کہ جنوری کے بعد سے وہ زیانا سے نہیں مل سکے، جب انہوں نے بیكانیر آ کر بیٹی سے ملنے کی کوشش کی تو انہیں کوئی جواب نہیں ملا۔

راجیو نے چارو کے مالی مسائل پر جواب دیتے ہوئے یہ دعویٰ بھی کیا کہ وہ حال ہی میں کروز ٹرپ اور نئی جائیداد کی خریداری جیسی سرگرمیوں میں مصروف رہ چکی ہے، وہ چارو کی کوششوں کی قدر کرتے ہیں مگر میڈیا کے سامنے ذاتی معاملات لانا درست نہیں۔

یہ بھی پڑھیں:کرینہ کے حسن اور سٹائل کا پھر سے جادو چل گیا

 راجیو نے زیانا کی پرورش کو اولین ترجیح قرار دیتے ہوئے کہا کہ وہ اب بھی چاہتے ہیں کہ بیٹی ایک مستحکم ماحول میں پرورش پائے۔

یاد رہے کہ چارو کی آن لائن کپڑے بیچنے کی ویڈیوز سامنے آنے کے بعد اداکارہ سشمیتا سین اور ان کے بھائی کو سوشل میڈیا صارفین کی جانب سے تنقید کا نشانہ بنایا گیا تھا۔