آخری دم تک لڑیں گے: چینی تھنک ٹینک کا امریکہ کو پھر دوٹوک جواب

(24 نیوز)چینی تھنک ٹینک سینٹر فار چائنا اینڈ گلوبلائزیشن کے نائب صدر مسٹر وکٹر گاؤ کا کہنا ہے کہ امریکا سے تجارتی جنگ میں چین آخری دم تک لڑنے کے لیے ہر طرح سے تیار ہے۔

چین کے تھنک ٹینک سینٹر فار چائنا اینڈ گلوبلائزیشن  کے نائب صدر وکٹر گاؤ نے  برطانوی نشریاتی ادارے کو دیے گئے انٹرویو میں کہا کہ  ’’ دنیا اتنی بڑی ہے کہ امریکا پر آکر ختم نہیں ہوجاتی‘‘۔

انہوں نے کہا کہ ’چین 5 ہزار سال سے ہے  اور اس میں زیادہ عرصہ وہ ہے جب امریکا کا وجود بھی نہیں تھا  ہم تب بھی جینا جانتے تھے‘۔

  یہ بھی پڑھیں:’’  کوئی نہیں بچے گا ‘‘ ٹرمپ  پھر بدمعاشی پر اتر آئے

 نائب صدر وکٹر گاؤ کا کہنا تھا کہ اگر امریکا چین کو دھمکانا یا دبانا چاہتا ہے تو ہم اس صورتِ حال سے نمٹنا جانتے ہیں ، ہم امریکا پر انحصار کیے بغیر مزید5  ہزار سال بھی سروائیو کرسکتے ہیں۔

انہوں نے  مزید کہا کہ  امریکا سے تجارتی جنگ میں چین آخری دم تک لڑنے کے لیے ہر طرح سے تیار ہے