(ویب ڈیسک)پاکستان کی پہلی نیٹ فلکس اوریجنل سیریز"جو بچے ہیں سنگ سمیٹ لو"ریلیز کے لیے تیار ہے۔
سوشل میڈیا پر خبریں گردش کر رہی ہیں کہ معروف مصنفہ فرحت اشتیاق نے تصدیق کی ہے کہ ان کے مقبول ناول "جو بچے ہیں سنگ سمیٹ لو"پر مبنی پاکستان کی پہلی نیٹ فلکس اوریجنل سیریز جون 2025 میں عالمی سطح پر ریلیز کی جائے گی۔
اس سیریز میں اداکار احد رضا میر اور اقرا عزیز جلوہ گر ہوں گے جو ہیرو سکندر اور ہیروئن لیزا کے کردار ادا کر رہے ہیں،یہ پہلا موقع ہے کہ کسی پاکستانی ڈرامے کو عالمی اسٹریمنگ پلیٹ فارم نیٹ فلکس پر اوریجنل کانٹینٹ کے طور پر پیش کیا جا رہا ہے۔
یہ بھی پڑھیں:سشمیتا سین پاکستانی فلم میں کام کریں گی؟اداکارہ نے خاموشی توڑ دی
"جو بچے ہیں سنگ سمیٹ لو" ایک سنجیدہ اور جذباتی کہانی پر مبنی ہے جس میں کرداروں کی گہرائی، پیچیدہ رشتے اور انسانی جذبات کو خوبصورتی سے پیش کیا گیا ہے،شائقین اس سیریز کی ریلیز کا بے صبری سے انتظار کر رہے ہیں۔