عمران خان کی 9 مئی کے 21 کیسز میں ضمانت منظور ہو چکی: سلمان صفدر

(24نیوز)بانی پی ٹی آئی عمران خان کے وکیل سلمان صفدر ایڈووکیٹ نے کہا کہ عمران خان کی 9 مئی کے 21 کیسز میں ضمانت منظور ہو چکی ہے۔

لاہور میں میڈیا سے گفتگو کرتے ہوئے  سلمان صفدر ایڈووکیٹ نے کہا کہ بانی پی ٹی آئی کے خلاف 300 سے زائد کیسز درج ہوئے ہیں، آج بھی ریکارڈ پیش نہ ہونے کی وجہ سے سماعت ملتوی ہوئی،سلمان صفدر کا کہنا ہے کہ اسلام آباد ہائی کورٹ سے درخواست ہے وہ عمران خان کی اپیلوں پر فیصلہ کرے، بانی پی ٹی آئی کے خلاف پنجاب میں اب صرف 8 کیسز ضمانت کے لیے رہ گئے ہیں,انہوں نے کہا کہ تقریباً تمام کیسز میں بانی پی ٹی آئی کی ضمانت منظور ہو چکی ہے۔

بانی پی ٹی آئی کے وکیل نے کہا کہ اسپیشل پراسیکیوٹرز کو کیسز میں اب دلائل دینا چاہیں، بہانے نہ کریں۔