لوگ میری عمر سُن کر دنگ رہ جاتے ہیں:ثمن انصاری  

(ویب ڈیسک) سینئر اداکارہ ثمن انصاری نے اپنی عمر اور ظاہری شخصیت سے متعلق گفتگوکرتے ہوئے کہاہے کہ لوگ ان کی اصلی عمر سُن کر دنگ رہ جاتے ہیں۔

ثمن انصاری نے ایک پوڈکاسٹ انٹرویو میں انکشاف کیا ہےکہ جب لوگوں کو معلوم ہوتا تھا کہ میں سنگل مدر ہوں تو کئی مردوں نے شادی کے بجائے تعلقات کی پیشکش کی جنہیں میں نے سختی سے انکار کر دیا۔

 ثمن انصاری نے کہا پتہ نہیں مردوں کی ہمت کیسے ہو جاتی ہے کسی خاتون کو غیر اخلاقی آفرز کرنے کی، خواتین کو بھی چاہیے کہ مردوں کو سخت انداز میں انکار کریں تاکہ مردوں کے ذہن میں کوئی امید باقی نہ رہے۔

 انہوں نے انٹرویو کے دوران بتایا کہ میری شادی ہوئی اور 16 سال بعد میری طلاق ہو گئی، میرے شوہر نے طلاق کے فوراً بعد دوسری شادی کر لی جبکہ میں نے کچھ سال محنت کی، خود کو کچھ بنایا، مضبوط کیا اور پھر دوسری شادی کی۔

ثمن انصاری نے مزید کہا کہ میرے دوسرے شوہر میری بہت حوصلہ افزائی کرتے ہیں، گھر کا سارا خرچہ وہی دیکھتے ہیں، جو میں کماتی ہوں وہ اتنا نہیں ہوتا کہ گھر چل سکے،میں سال میں صرف ایک ہی پروجیکٹ کرتی ہوں۔

انہوں نے انٹرویو کے دوران اپنے والد اور خاندان کے دیگر افراد کی میڈیا سے وابستگی پر بھی کھل کر بات کی۔

یہ بھی پڑھیں:کروڑوں روپے کا مبینہ فراڈ،نادیہ حسین ایف آئی اے کے نوٹس پر پیش

انہوں نے اپنی حقیقی عمر نہ بتاتے ہوئے کہا کہ ڈراموں میں مجھے میرے والد کے دوستوں کی اہلیہ بنا دیا جاتا ہے،شوٹنگ کے دوران میرے منہ سے کئی بار انکل بھی نکل جاتا ہے، ڈرامے میں میرے بیٹے وہ اداکار ہوتے ہیں جن کی میں خود بیٹی لگ رہی ہوتی ہوں،میرا کام ہے اداکاری کرنا، میں صرف اداکاری پر توجہ دیتی ہوں، ڈرامے میں کرداروں کا صحیح نظر آنا دوسرے ڈیپارٹمنٹ کا کام ہے، میں ان معاملات میں نہیں بولتی۔