ملک بھر میں جشن آزادی کی تقریبات۔۔ توپوں کی سلامی ۔۔ فضا میں نعرہ تکبیر اللہ اکبر کی صدائیں

(24نیوز)قوم 74 واں یوم آزادی آج شایان شان طریقے سے منا رہی ہے۔ ملک بھر میں یوم آزادی کی تقریبات جاری۔ توپوں کی سلامی سے دن کا آغاز کیا گیا۔ فضا میں نعرہ تکبیر اللہ اکبر کی صدائیں گونج اٹھی۔

 سرکاری اور نجی عمارتوں کو برقی قمقموں سے سجا دیا گیا۔ دن کا آغاز مساجد میں ملکی سلامتی، ترقی و خوشحالی، کورونا سے نجات اور مقبوضہ کشمیر کی آزادی کی خصوصی دعاؤں سے ہوا۔پرچم کشائی کی مرکزی تقریب ایوان صدر میں ہوئی۔ اسلام آباد کی گلیاں، بازار، عمارتیں سج گئیں۔ تعلیمی اداروں، سیاسی جماعتوں اور مختلف تنظیموں کے زیراہتمام تقریبات اور سیمینارز ہوں گے۔لاہور کے حضوری باغ میں پرچم کشائی کی مرکزی تقریب ہوگی۔ مسلم لیگ(ن)اور جماعت اسلامی کے زیراہتمام بھی یوم آزادی کی تقاریب ہوں گی۔کراچی میں یوم آزادی پر گورنر سندھ، وزیراعلیٰ، وفاقی اور صوبائی وزرا مزار قائد پر حاضری دیں گے۔ سیاسی اور نجی تنظیموں نے بھی یوم آزادی کی تقاریب کا اہتمام کیا ہے۔