جشن آزادی پر ہوائی فائرنگ۔۔ اندھی گولیوں نے 11 افراد کو زخمی کر دیا

(24نیوز) کراچی میں جشن آزادی کے موقع پرہوائی فائرنگ  کاسلسلہ جاری رہا، نامعلوم سمت سے آنے والی گولیاں لگنے سے 2 بچوں سمیت 11 افراد زخمی ہوکرہسپتال جا پہنچے۔

تفصیلات کے مطابق رات 12 بجتے ہی شہرقائد کے مختلف علاقوں جشن آزادی کی خوشی  میں ہوائی فائرنگ کا سلسلہ شروع ہو ا جو کافی دیر تک جاری رہا ،کلری تھانے کے علاقے لیاری  نیازی چوک کے قریب نامعلوم سمیت آنے والی گولی ہاتھ پر لگنے سے 60 سالہ غلام رسول ولد مہربان خان زخمی ہو گیا اسی دوران بغدای تھانے کے علاقے شاہ بیگ لین بلاک سی گلی نمبر 5 میں نامعلوم سمیت سے آنے والی گولی سر پر لگنے سے 50 سالہ غلام فرید ولد غلام قدیر زخمی ہو گیا۔بغدادی تھانے کے علاقے لیاری یوسف ہارون روڈ بلاک سی گلی نمبر 3 کے قریب نامعلوم سمیت سے آنے والی گولی ہاتھ پر لگنے سے 45 سالہ رضا خان ولد ولی داد زخمی  جبکہ سٹی کورٹ تھانے کے علاقے سٹی کورٹ جامعہ مسجد کے قریب نامعلوم سمت سے آنے والی گولی چہرے پر لگنے سے12 سالہ مدیحہ دخترراشد زخمی ہو گئی۔زخمی افراد کو طبی امداد کے لئے ہسپتال میں داخل کرادیا گیا۔

یہ بھی پڑھیں:  کورونا کے وار جاری۔مزید 73 افراد جان سے ہاتھ دھو بیٹھے