ایمسٹر ڈیم میں مسجد پر حملہ،نفرت انگیز عبارت، صلیب بنادی گئی 

(24نیوز)ایمسٹر ڈیم میں ایک اور مسجد کونفرت انگیزی کا نشانہ بنانے کے لیے اس پر حملہ کیا گیا ہے۔غیر ملکی خبر رساں ادارے کے مطابق یورپی ملک ہالینڈ کے یوٹریکٹ صوبے میں اولو مسجد کی انتظامیہ نے بتایا کہ مسجد کے داخلی دروازے اور دیوار پر مسلمانوں کے لیے نفرت انگیز عبارت لکھی گئی اور صلیب کا نشان بھی بنایا گیا۔
تفصیلات کے مطا بق نفرت انگیز حملوں سے مسلمانوں کو دلی صدمہ پہنچا ۔ منافرانہ عبارت سے سوسائٹی میں تشویش ۔جاری کردہ بیان میں بتایا گیا ہے کہ مساجد کے علاوہ دو یہودی سینیگاگ بھی ایسے ہی نفرت انگیزحملے کا نشانہ بنائے گئے ہیں۔ حکومت منافرت پھیلانے والے دائیں بازو کے انتہا پسندوں پر نظر رکھے اور حفاظتی اقدامات کو بہتر کرے۔مقامی میڈیا کے مطابق 44 سالہ مشتبہ شخص کو گرفتار کیا گیا ہے تاہم اصل ذمے داران کا سراغ نہیں لگایا جاسکا۔ واضح رہے کہ یورپ میں مسلمانوں کے خلاف نفرت انگیزی کے واقعات بڑھ رہے ہیں۔