شمالی وزیرستان: فوجی چوکی پر خودکش دھماکے کی کوشش ، دہشتگرد ہلاک

(24 نیوز)شمالی وزیر ستان میں سکیورٹی فورسز نے فوجی چوکی پر خود کش دھماکے کی کوشش ناکام بنا دی،جوانوں کی فائرنگ سے خودکش حملہ آور مارا گیا۔
پاک فوج کے شعبہ تعلقات عامہ آئی ایس پی آر کے مطابق شمالی وزیرستان کے علاقے دوسالی میں دہشتگردی کی ناکام کوشش بنا دی گئی،آئی ایس پی آر کے مطابق دہشتگرد کی جانب سے فوجی چوکی میں خودکش دھماکے کی کوشش کی گئی،خودکش حملہ آور نے اہلکاروں پر چھوٹے ہتھیاروں سے فائرنگ کی ،پاک فوج کے جوانوں کی جوابی فائرنگ سے خودکش حملہ آور ہلاک ہو گیا، مارے گئے دہشتگرد کی شناخت شریف کے نام سے ہوئی ہے۔
آئی ایس پی آر کے مطابق ہلاک دہشتگرد سکیورٹی فورسز پر حملوں میں ملوث تھا،ہلاک دہشتگرد سے اسلحہ اور گولہ باردو بھی برآمدہوا،مقامی افراد نے سکیورٹی فورسز کی فوری جوابی کارروائی کوسراہا۔

یہ بھی پڑھیں: پی ٹی آئی کیلئے افسوسناک خبر، اہم رکن قومی اسمبلی انتقال کرگئے