جنوبی افریقا: مسافر بس اور بکتر بند گاڑی میں تصادم سے 20 افراد ہلاک

(ویب ڈیسک) جنوبی افریقا میں مسافر بس اور بکتر بند گاڑی میں تصادم کے نتیجے میں 20 افراد ہلاک ہوگئے۔

غیر ملکی میڈیا کے مطابق یہ واقعہ پیر کے روز صوبے لیمپوپو میں پیش آیا جہاں ایک تیز رفتار بکتر بند گاڑی  بے قابو ہوکر مخالف سمت سے آنے والی مسافر بس سے جا ٹکرائی۔

یہ بھی پڑھیے: تباہ کن سمندری طوفان کے باعث نیوزی لینڈ میں ایمرجنسی نافذ

لیمپوپو صوبے کے ٹرانسپورٹ ڈیپارٹمنٹ کی جانب سے مزید بتایا گیا ہے کہ تصادم کے نتیجے میں 20 افراد ہلاک ہوگئے جبکہ 60 افراد کے زخمی ہونے اطلاعات سامنے آئی ہیں۔

زخمیوں کو قریبی اسپتال منتقل کردیا گیا جہاں انہیں طبی امداد فراہم کی جارہی ہے۔ پولیس کی جانب سے حادثے کی مزید تحقیقات بھی کی جارہی ہیں۔