موٹرویز پرٹول ٹیکس اضافے کیخلاف درخواست پر وفاق کونوٹس

(24نیوز)ہائی کورٹ نے موٹرویز ٹول ٹیکس میں اضافے کے خلاف درخواست پر وفاقی حکومت کو نوٹس جاری کردیا۔

موٹروے ٹول ٹیکس میں اضافے کے خلاف ڈائر درخواست پر پشاور ہائی کورٹ میں سماعت ہوئی، درخواست گزار کے وکیل عظیم داد ایڈووکیٹ نے مؤقف اختیار کیا کہ31 جنوری کوحکومت نے ٹول ٹیکس میں اضافہ کیا،ایم ٹیگ نہ لگانے والوں کے لیے ٹول ٹیکس میں 100 فیصد اضافہ کیا گیا ہے، حکومت نے 2024 میں دو بار ٹول ٹیکس میں اضافہ کیا۔

درخواست میں مزید کہا گیا کہ اب حکومت نے ایم ٹیگ نہ لگانے پر 100 فیصد اضافہ کیا جو غیر قانونی ہے، ٹول ٹیکس میں اضافے سےعوام کو مشکلات کا سامنا ہے، جسٹس ایس ایم عتیق شاہ نے ریمارکس دیئے کہ ہمیں بھی پتا ہے کہ یہ اضافی ٹیکس ہے۔

یہ بھی پڑھیں:پی ٹی آئی انٹرا پارٹی الیکشنز کیس، تمام سماعتوں کے شارٹ آرڈرز ویب سائٹ پر جاری

وکیل نےعدالت سے استدعا کی کہ حکم امتناعی جاری کیا جائے کہ اس کیس پر فیصلے تک اضافی ٹول ٹیکس نہ لیا جائے، عدالت نے وفاقی حکومت کو نوٹس جاری کرتے ہوئے سماعت ملتوی کردی۔