(24نیوز) اسلام آباد ڈسٹرکٹ اینڈ سیشن کورٹس نے آڈیو لیک کیس میں وزیراعلیٰ خیبرپختونخوا علی امین گنڈا پور کے وارنٹ گرفتاری برقرار رکھے۔
ڈسٹرکٹ اینڈ سیشن کورٹس اسلام آباد میں آڈیو لیک کیس کی سماعت ایڈیشنل جج عبد الغفور کاکڑ نے کی، وزیراعلیٰ خیبرپختونخوا علی امین گنڈا پور کی جانب سے کوئی بھی عدالت میں پیش نہیں ہوا۔
عدالت نے علی امین گنڈاپور کے وارنٹ گرفتاری برقرار رکھتے ہوئے سماعت ملتوی کردی۔
یہ بھی پڑھیں : ’’مجھے کیوں نکالا‘‘ پی ٹی آئی رہنما نے بھی اپنے حق میں آواز بلند کر دی
مقدمہ میں شریک ملزم اسد فاروق خان عدالت میں پیش ہوئے، کیس کی آئندہ سماعت 25 فروری کو ہوگی ، علی امین گنڈاپور کے خلاف تھانہ گولڑہ میں مقدمہ درج ہے۔