(ویب ڈیسک)بھارتی اداکارہ نیا شرما نے پاکستانی اداکاروں کو خوبصورت اور ڈراموں کو بہترین قرار دےدیا۔
سوشل میڈیا پر ایک ویڈیو کلپ گردش کر رہا ہے جس میں نیا شرما کو پاکستانی اداکاروں کی تعریف کرتے ہوئے دیکھا جا سکتا ہے۔
اداکارہ اپنے ویڈیو پیغام میں کہتی ہیں کہ پاکستانی اداکار بےحد خوبصورت ہیں مگر افسوس کہ وہ کبھی ان کے ڈرامے نہیں دیکھ سکیں، انہوں نے کبھی پاکستانی اداکاروں کا کوئی ڈرامہ نہیں دیکھا کیونکہ انہیں معلوم نہیں کہ کون سے ٹی وی چینلز انہیں نشر کرتے ہیں۔
نیا شرما نے پاکستانی ڈراموں سے محبت کا اظہارکرتے ہوئے کہاکہ پاکستانی ڈرامے بےحد رومانوی اور بہترین ہوتے ہیں جس میں محبت کی کہانیاں دکھائی جاتی ہیں جو دل کو چھوتی ہیں۔
اداکارہ نے کہا کہ مجھے لگتا ہے کہ ہندوستانی ڈرامہ سیریل جذبات کوناظرین تک پہنچانے میں کسی حد تک جدوجہد کر رہے ہیں لیکن وہ ڈیلیور نہیں کر پاتے۔
یہ بھی پڑھیں:کبریٰ خان اور گوہر رشید مسجدالحرام میں رشتہ ازدواج میں بندھ گئے
یاد رہے کہ نیا شرما کئی بھارتی ڈرامہ سیریلز میں اداکاری کرچکی ہیں،حال ہی میں ڈرامہ "ناگن" سے انہیں بہت شہرت حاصل ہوئی تھی۔