دنیا کے 10 غریب ترین ممالک کی فہرست جاری

(ویب ڈیسک)فوربس نے حال ہی میں دنیا کے 10 غریب ترین ممالک کی فہرست جاری کی ہے۔

ذیل میں درج 10 غریب ترین ممالک کی فہرست میں اکثر ممالک کا تعلق افریقہ کے خطے سے ہے۔

1) سوڈان: سب سے پہلے نمبر پر چھوٹا افریقی ملک سوڈان ہے جسکی کل جی ڈی پی 29.99 ارب ڈالر ہے اور آبادی 11.1 ملین (1.1 کروڑ) ہے۔

2) برونڈی: مشرقی افریقہ میں ایک چھوٹی سا لینڈ لاکڈ ملک برونڈی کی کل جی ڈی پی 2.15 ارب ڈالر ہے جس کی آبادی 13,459,236 ہے۔

یہ بھی پڑھیں:پاکستان تحریک انصاف میں اہم رہنما کی واپسی ، بڑاعہدہ نواز دیا گیا

3) وسطی افریقی جمہوریہ (سی اے آر): سی اے آر دنیا کا تیسرا غریب ترین ملک ہے۔ اس ملک کی کل جی ڈی پی 3.03 ارب ڈالر ہے اور آبادی 5,849,358 ہے۔

4) ملاوی: ملاوی دنیا کا چوتھا غریب ترین ملک ہے۔ 21,390,465 افراد کی آبادی کے لیے اس کا جی ڈی پی 10.78 ارب ڈالر ہے۔

5) موزمبیق: موزمبیق، ایک سابق پرتگالی کالونی کی جی ڈی پی 24.55 ارب ڈالر اور آبادی 34,497,736 ہے۔

6) صومالیہ: اس ملک میں 19,009,151 کی آبادی کے لیے جی ڈی پی محض 13.89 ارب ڈالر ہے۔

یہ بھی پڑھیں:جسٹس منصور علی شاہ کواہم عہدے سے ہٹا دیا گیا

7) کانگو: اس کی کل جی ڈی پی 79.24 ارب ڈالرز اور آبادی 104,354,615 ہے۔ کانگو شدید معاشی بحران سے نبرد آزما ہے، تقریباً 62 فیصد کانگو کے باشندے 180 روپے یومیہ سے کم پر زندہ رہتے ہیں۔

8) لائبیریا: یہ مغربی افریقی ملک، جس کی آبادی 5,492,486 ہے، دنیا کا آٹھواں غریب ترین ملک ہے۔ اس کی کل جی ڈی پی صرف 5.05 ارب ڈالر ہے۔

9) یمن: ایران کا قریبی اتحادی، یمن 16.22 ارب ڈالر کی جی ڈی پی اور تقریباً 34.4 ملین کی آبادی کے ساتھ کرہ ارض کا نواں غریب ترین ملک ہے۔

10) ماڈاگیسکر: جزیرہ نما ملک ماڈاگیسکر دنیا کا 10 واں غریب ترین ملک ہے، جس کی 30.3 ملین کی آبادی کے لیے 18.1 ارب ڈالر کی جی ڈی پی ہے۔

یہ بھی پڑھیں:پیٹرولیم مصنوعات کی قیمتوں میں 9روپے تک کمی کا امکان