(احمد منصور)ایکسرسائز سپیئرز آف وکٹری میں حصہ لینے والا پاک فضائیہ کا دستہ وطن واپس پہنچ گیا۔
پاک فوج کے شعبہ تعلقات عامہ آئی ایس پی آر کے مطابق سعودی عرب کی شاہ عبدالعزیز ایئر بیس پر سپیئرز آف وکٹری ایکسرسائز 2025 میں پاک فضائیہ کے دستے کی کامیاب شمولیت ہوئی،پاک فضائیہ کے دستے میں جے ایف 17 تھنڈر بلاک تھری لڑاکا طیارے،کومبیٹ بپائلٹس اور ٹیکنیکل گراؤنڈ کریو شامل تھا ،پاک فضائیہ کے طیاروں اور عملے نے ایکسرسائز میں بھرپور انداز میں حصہ لیا۔
آئی ایس پی آر کے مطابق بین الاقوامی ڈپلائمنٹ کے لیے پاک فضائیہ کے طیاروں نے ہوم بیس سے سعودی عرب تک اور واپسی پر نان سٹاپ پرواز کی
پاک فضائیہ تھنڈرز نے دوران پرواز ائیر ٹو ائیر ری فیولنگ کا مظاہرہ بھی کیا۔
ایکسرسائز سپئیرز آف وکٹری میں شرکت اور واپسی کے لیے نان سٹاپ پرواز جے ایف 17 تھنڈر بلاک تھری طیاروں کی لانگ رینج اپریشنل صلاحیتوں کی مظہر ہے،سپیئرز آف وکٹری ایکسرسائز کا مقصد حقیقت سے قریب ترین فضائی جنگ کے ماحول میں اشتراک کار کو فروغ دینا تھا ۔
سپیئرز آف وکٹری ایکسرسائز میں میزبان سعودی عرب، پاکستان، بحرین، اور فرانس نے شرکت کی،یونان، قطر، متحدہ عرب امارات ،امریکہ اور برطانیہ نے بھی مشقوں میں حصہ لیا،ایکسرسائز کے دوران فخر پاکستان جے ایف 17 تھنڈر بلاک تھری طیاروں نے بہترین آپریشنل صلاحیتوں کا مظاہرہ کیا، جے ایف 17 تھنڈر طیاروں نے دنیا کے جدید ترین لڑاکا طیاروں کے مقابلے میں بہترین کارکردگی دکھائی۔
آئی ایس پی آر کے مطابق آپریشنل صلاحیتوں اور تکنیکی خوبیوں کے باعث جے ایف 17 تھنڈر طیاروں کی مشقوں کے دوران بھرپور پذیرائی،
پاکستان ایئر فورس کے ایئر اور گراؤنڈ کریو کی ایکسرسائز سپیئرز آف وکٹری میں بھرپور کامیاب شرکت اعلی اپریشنل ٹریننگ کی عکاس ہے۔